‘4K’ nangharos sa Brgy. Buenavista



Makita sa hulagway sila si Brgy. Councilor-elect Roberto “Totoy” Lira, OFW Family Partylist Congressman Roy Señeres, Brgy. Councilor-elect Noel “Weweng” Llesis ug mga kaubang OFW Family coordinators Rudy Retorta, Freddie Romero ug Arnold Tinio.



By Rina ‘Jiji” Jaylo

SURIGAO CITY - Giharos sa usa ka managbarkada nga naila sa ngalang-politikal nga ‘4k’ ang bag-ohay pa lamang gihimo nga piniliay sa pagka-‘Kagawad’ didto sa Barangay Buenavista, Surigao City, niadtong Oktobre 28.

Si Noel “Weweng” Llesis nakakuha og 378 ka mga boto diin maoy nahimong numero unong kagawad, samtang ang iyang barkada nga si Roberto “Totoy” Lira, nga nahimong ikaduhang kagawad, adunay 373 ka mga boto. Silang duha ang naghimo sa grupong ‘4k’nga may kahulogan nga “Kabarkada nga may Katakos ug Koneksyon alang saKalamboan”.

Si Llesis kanhi nagserbisyo isip usa ka barangay kagawad niadtong 2007 hangtud 2010. Niadtong Oktobre 2010, siya nagpapili sa posisyon nga Punong Barangay apan ang makalilisang nga 'vote-buying' maoy nipakyas sa iyang tinguha nga moserbisyo sa katawhan sa maong kapasidad. Sa lima (5) ka mga kandidato sa pagka-Punong Barangay, ikaduha si Llesis sa nakakuha og daghang mga boto.  

Si Lira usa usab ka kanhi barangay kagawad sa maong barangay nga nagserbisyo sugod niadtong tuig 1997 hangtud 2002 ug nagserbisyo isip usa ka sakop sa Barangay Lupon gikan sa tuig 2003 hangtud niining Oktobre 2013.

Niadtong niaging semana, si Lira nakadawat og usa ka pasidungog gikan sa DILG isip usa ka “Outstanding Barangay Lupon” tungod sa iyang talagsaong paningkamot sa pagsulbad sa mga kasong nahisang-at sa maong barangay.

Ang kompletong linya sa mga mananaug sa Barangay Buenavista mao kining mosunod: Romeo Alcala 307 votes (Punong Barangay) ug mga kagawad nga sila si Noel “Weweng” Llesis 378 votes (first), Roberto “Totoy” Lira 373 votes (2nd), Raymundo Llesis 319 votes (3rd), Marina Catuburan 272 votes (4th), Ondot Edradan 256 votes  (5th), Valeriano Borja250 votes (6th) ug Annie De Guia 237 votes (7th).

Ang Barangay Buenavista nga may 781 ka mga rehistradong botante maoy pinakadako sa walo ka mga barangay sa Hikdop Island, Surigao City.

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.