Cebuano News: Gobernador mapasalamaton sa mga lider sa Surigao Norte

Surigao City (19 June) -- Dako ang pasalamat ni Gob. Ace Barbers sa gipakita nga suporta ug tabang sa mga lideres dinhi sa probinsya.

Ang maong gipakita nga kooperasyon sa tanang lideres nagpasabot lamang nga ubos sa administrasyong Barbers, tumong ug tinguha lamang niini ang kaayohan sa mga katawhan, ug naghatag siya sa tinuod nga diwa sa demokrasya. Gipanglantawan ni Gob. Barbers nga makab-ot gayud ang tinuod nga kahiusahan sa tanang mga lideres para makahatag ug maayo nga panirbisyo ngadto sa mga katawhan.

Tungod sa kalimitado nga pundo sa probinsya, nanghinaot si Gob. Barbers nga ang lideres magkahiusa ug magtinabangay aron ang tanang gikinahanglan sa mga katawhan mahatag ug ihipling una ang mga politikanhong interes. Matad pa ni Gob. Barbers n asa pagpangalagad, dili sukdon sa mga katawhan basi sa mga saad, ug ang mga lideres dili pud unta hangtud lamang sa mga saad. Matabangan pud unta ang ubang adbokasiya ni Gob. Barbers labi n asa kinaiyahan ug ang "Peace and Order".

Dako ang panghina-ot ni Gob. Ace Barbers nga ibutang unta sa ubang mga lideres sa ilang kasing-kasing ug huna-huna nga ang panirbisyo dili pamulitika, implementar una ang mga proyekto ug dili mag-una ang pagpangsibya nga wala pa gani mahimo. (Media Affairs/PIA-Surigao del Norte)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.