Home » , , » Gob. Ace barbers nagturn-over ug duha ka sakyanan ug mga laptops alang sa DEPED Province ug Siargao Division

Gob. Ace barbers nagturn-over ug duha ka sakyanan ug mga laptops alang sa DEPED Province ug Siargao Division

Dako ang pasalamat sa DEPED Province ug Siargao Division ngadto sa atong manggihatagong gobernador Robert Ace Barbers diin sa makausa pa, siya mipakita na usab sa iyang sinsiridad sa pagpangalagad ug panirbisyo sa katawhan sa dihang siya opisyal nga mi turn-over sa duha ka sakyanan ug lima ka hp laptops kanila. Ang maong kalihukan malampusong gilusad didto gawas sa Bulwagan sa Kapitolyo niadtong miaging adlaw, Pebrero 5, 2009.

Usa ka Gray-colored Adventure ug duha ka hp laptops ang gihatag pinaagi na sa mga kadagku-an sa DEPED Surigao del Norte Division, OIC Schools Division Superintendent nga mao si Dr. Fidela M. Rosas. Ug usab sa DEPED Siargao Division, mapasalamatong midawat ang OIC Schools Division Superintendent niini na si Dr. Daylinda J. Tampus sa usa ka puti nga L300 Van ug usab duha ka laptops.

Adunay usab usa ka laptop ang gigahin sa atong maalagarong gobernador para sa Alternative Learning System nga iyang gipahinungod ngadto sa mga nag atender na mga priso sa Detainees Accessible Competitive Edge nga ubos sa Education Behind Bars nga proyekto ni Gob. Ace Barbers.

Nagkanayon ang mga opisyales sa DEPED nga ang pagpangalagad ni Gob. Ace Barbers tinuoray gayud ug siya motuman sa iyang mga saad sa mga katawhan. Dugang pa niini, sila mipasalig sa pangagamhanan sa probinsya, nga ang maong mga equipo magamit dili lamang sa mga kadagku-an sa maong dapartamento kon dili kini usab mosangop sa mga panginahanglanon sa ubang magtutudlo hilabi na gayud ang mga estudyante nga maoy labing prayoridad sa kasamtangang gobyerno sa probinsya.

Si Gob. Ace Barbers malipayon ug malaumon nga mipadangat sa iyang mensahe ug siya nagkanayon nga unta ang maong mga gamit pahimuslan ug mayo diha sa saktong paagi ug usab kini magsilbing inspirasyon diha sa mga sumusunod nga henerasyon nga sila magmadasigon sa pagtungha sa eskuylahan.

Uban usab sa maong pag turn-over mao ang kaabag ni Gob. Ace Barbers sa panirbisyo nga si Vice-Gov. Noel P. Catre uban sa lima usab ka bokal sa distrito dos, Board Member regina Alaa, BM Melva P. Garcia, BM Isabelita Edera ug BM Victor Borja. (PGO-Media Bureau)

Share:

ليست هناك تعليقات:

Popular Posts

Featured

The exciting lineup: 39th Bonok-Bonok Maradjaw Karajaw Festival Contingents Revealed!

Are you ready to be swept off your feet by an explosion of color, rhythm, and culture? The 39th Bonok-Bonok Maradjaw Karajaw Festival is jus...

Ads

Post your ADS here

Featured

Contact Us

الاسم

بريد إلكتروني *

رسالة *

About Us

Your news and information authority

Categories

أرشيف المدونة الإلكترونية

Recent Posts

Copyright © SURIGAO Today | Powered by Blogger