Cebuano News: 20TH Provincial Prepared Speech Contest, gilunsad

Ubos sa programa ni Gov. Ace Barbers sa paghatag kabililhon sa “Responsible Parenting”, gipahigayon ang 20th Prepared Speech Contest. Kining maong contest gilunsad sa Provincial Convention Center, niadtong Nov. 20, 2008 ubos sa pag-organisa sa Provincial Social Services Office.

Ug ang migawas nga mga mananaog sa Siargao Division mao sila: Mr. Bargie N. Lim, nakadaog sa 1st place nga mirepresentar sa Gen. Luna National High School; 2nd placer Ms. Anna Marie L. Tiu nga representante SSCT Del Carmen Campus; 3rd placer Ms. Heidie Jahara L. Gelsano nga representante sa Socorro National High School; 4th placer Ms. Jamaica B. Liscano nga representante sa Roxas National High School San Isidro; ug ang 5th placer mao si Ms. Marichu Malinao nga representante sa Burgos National High School.

Sa Surigao Del Norte Division ang mga mananaog mao sila Ms. Trisha Marie P. Senados nakadaog sa 1st place nga representante usab sa SSCT- Malimono Campus; samtang ang 2nd placer mao si Ms. Apple Mae D. Bonite sa Gigaquit National High School Of Home Industries; 3rd placer mao si Mr. Jun Mark R. Galeon sa Surigao Norte National High School; 4th placer mao si Mr. Charlz Jose B. Gipala sa SSCT – Surigao City; ug ang 5th placer mao si Mr. Rogine D. Artigo sa Alegria National High School.

Dako ang pasalamat sa mga estudyante hilabi na ang mga ginikanan kang Gov. Ace Barbers sa dakong suporta nga iyang gihatag sa pag-higmata sa mga kabatan-onan karon sa paghatag importansya sa mga ginikanan. Tungod sa maong programa, labaw nga mapasalamaton ang mga ginikanan sa mga impormasyon sa saktong pamaagi sa pagdala sa pamilya ug mga anak. (PGO-Media Bureau)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.