Mayor Matugas hugot nga misuporta sa programa sa Summer Jobs

Si Mayor Ernesto Matugas hugot nga mipakita sa iyang suporta sa programa Special Program for Employment of Students (SPES) o gitawag nga “Summer Jobs” ubos sa R.A 9547.

Kini gibutyag ni Mr. Rolando Uyan, ang Public Employment Service Officer (PESO), nga niadtong Marso 8-31, 2011 sila nagsugod na sa pagpangdawat ug mga aplikante ug mukabat sa 150 ka mga kabatan-onan ang nadawat na.

Ang maong mga kabatan-onan mgsugod na sa ilang trabaho sa lain-laing mga opisina sa city hall karong Abril 25, 2011. Ug 54 kanila posible nga adto mapahimutang sa mga kabaranggayan.

Ang maong mga kabatan-onan makadawat ug 150.00 pesos matag adlaw, ang 60% niini gikan sa NGO ug ang 40% magagikan sa Department of Labor and Employment (DOLE).

Ang Signing of Employment Contract, gihimo niadtong Miyerkules, Abril 20, 2011 didto sa Surigao City Cultural Center. (Annette Villaces, Surigao City PIO/PIA-Surigao del Norte)

Post a Comment

Previous Post Next Post