Malampuson nga gipahigayon ang panambay sa barangay Ipil ug Mabua kagahapong adlawa, Miyerkules, Hunyo 1, 2011 nga gipahigayon didto sa Mabua Brgy. Gym, Surigao City.
Ang maong panambay sa brgy. Gipanguluhan ni Dr. Leonora Andanar, ang Provincial Health Officer uban ang medical team sa probinsya ug syudad nga mipahigayon ug libreng kunsulta, tuli, ibot sa ngipon, papsmear, laboratory tests, immunization ug pagpanghatag ug libreng tambal ug vitamins.
Mitambong usab sa maong kalihukan si Gobernador Sol Matugas ug siya mipahigayon ug pakigpaulong sa mga kapitanes ug mga barangay officials inubanan ni Ronald Eupeña, ang hepe sa Barangay Development Office ug Rodrigo Ariar, ang manager sa Philhealth-Surigao del Norte nga maoy nag apod-apod sa mga philhealth cards ngadto sa mga benipisyaryo sa maong barangay.
Atol usab sa maong kalihukan si Gobernador Matugas mihatag sa Brgy. Mabua ug financial
assistance kantidad P10,000 alang sa panambay ug P10,000 alang sa livelihood project ug 50 plastic chairs.
Samtang ang Brgy. Ipil gihatagan usab ug financial assistance kantidad P5,000 alang sa panambay , P50,000 alang sa cultural presentation sa ilang kapistahan ug P 200,000 nga barangay aid alang sa ilang health center.
Ang Gobernador namahayag usab nga way limitasyon ang panambay kay kini serbisyo man ug kinahanglan gayud nga matagamtaman sa tanan nga miduyog sa maong panambay isip usa kini ka prayoridad sa programang HEALS sa gobernador.
Mapasalamaton ug nalipay gayud ug dako ang mga kapitanes, brgy. Officials ug labi nagayud ang mga katawhan sa gipahigayong panambay. (Surigao del Norte- Provincial Information Center/PIA-Surigao del Norte)
No comments:
Post a Comment