4 ka sakop sa PNP gidagit sa NPA sa Malimono

Photo credit: Jocelyn Ferol
By Ed Mapayo 

MALIMONO, Surigao del Norte - Dili pa dugay gidagit sa 10 ka New Peoples Army (NPA) ang mga sakop sa Philippine National Police (PNP) ug Non Uniform Police (NUP) niadtong dominggo, sa alas dos kinsi ang takna sa hapon (2:15pm) Hulyo 24, 2016 sa Barangay Cagtinae, Malimono. 

Ang mga biktima giila sa pangalan sila SPO3 Santiago Lamanilao, PO3 Jayroll Bayagas, PO2 Caleb Cinaca pulos membro sa PNP ug Rodrigo Angob, membro sa NUP nga nadestino sa Malimono Municipal Police Station. 

Sumala pa ang mga gidagit na pulis gidestino kini sa barangay Cagtinae sakop sa maong lungsod gumikan sa pagselibrar sa pista sa naasoyng lugar. 

Sa imbestigasyon sa kapulisan ang nasangpit na mga NPA nakasul-ob kini og uniform sa Philippine Army ug anaa sa 10 ka NPA ang midagit sa naasoyng mga biktima. 

Dugang pa nga ang mga biktima nagbantay kini sa pagselibrar sa pista sa barangay sa tumong na malikayan ang kasamok ug ang NUP nanabong kini, apan gidimalas kay naapil sa pagdagit sa mga sakop sa NPA. Sumala pa gidala sa mga sakop NPA ang mga gidagit nilang pulis ug NUP ngadto sa bukiran na bahin. 

Ang mga sakop sa PNP ug kasundalohan nagpahigayon og operasyon sa tumong nga mabawi ang mga biktima. 

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.