Tagalog News: Pagbabawal ng Pangulo sa small scale mining sa Surigao

Manila (26 November) -- Ipinag-utos kamakailan ng Pangulong Gloria Macapagal-Arroyo kay Surigao Police Regional Director P/Chief Superintendent Jaime E. Milla, na paigtingin ang pagpapatupad ng batas na nagbabawal sa small-scale mining activities sa Surigao del Norte upang mapigilan ang patuloy na pagkalagas ng mga buhay at pagbaba ng pagkasira ng mga ari-arian sanhi ng illegal mining activities.

Ang nasabing kautusan ay ipinalabas ng Pangulong Arroyo kasunod ng pagkamatay ng limang minero na nagsagawa ng illegal mining activities at ng dalawang babaeng biktima ng landslides sa Brgy. Cagniog, Surigao City kamakailan.

Ang Surigao City at Surigao del Norte ay kinilala na bilang 'no mans land' o permanent danger zone sa isinagawang Geo-hazard mapping ng DENR-MGB kamakailan, kung kaya't ipinag-utos din ng Pangulo ang sapilitang pagpapaalis ng mga naninirahan malapit sa hazardous areas upang maiwasan ang naka-ambang panganib na maaari pang dumating sa mga residente ng Surigao.

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.