PNP Caraga, andam na sa kalag-kalag

Preparado na ang ginsakpan sa kapulisan sa entero rehiyon sa Caraga kini subay na usab sa umaabot nga Todos Los Santos og All Souls Day.

Kini ang giluwatang pamahayag ni Police Col Nestor Fajura ang Chief Operation Officer sa PRO-13.

Sumala sa opisyal nga aduna na silay gi-andam nga mga police assistant center ning rehiyon.

Gidugang pa sa maong opisyal nga aduna usab silay mga pulis nga magpatrolya sa mga nag-unang sementeryo aron pagpabilin sa kahapsay og kalinaw sa maong kasaulogan.

Giklaro usab sa opisyal nga hugtanon nilang gidile ang pagdala sa mga ilimnong makahubog sud sa sementeryo sanglit mao man kini ang hinungdan kun nganong adunay matigayong kagubot sud sa sementeryo sa maong panahon.

Alayon niini, nakig-alayon na usab sila sa lokal nga panggamhanan aron usab matabangan sila sa pagbantay sa kalinaw. (Bombo Radyo)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.