Rescue 44 nga programa ni Gov. Barbers dako ug tabang sa mga katawhan

Tungod sa dakong suporta ni Gov. Ace Barbers sa RESCUE 44, daghan ang nahimong mga tabang sa mga miembro sa RESCUE 44 sa tibuok probinsya labi na sa pag-asister sa mga katawhan sa panahon sa peligro ug kalisod.

Dili palang dugay mipahigayon sila sa duha ka semana nga pagbansaybansay sa taga Bureau of Fire mahitungod sa Water Safety. Miasister usab sila sa gihimong reception sa 140 trainees sa Philippine National Police nga gihimo sa Camp George Barbers Reional Training School isip mga medical responders.

Dako usab ang kalipay sa ARESCOM diin ang RESCUE 44 mipaambit sa ilang mga kahibalo sa gipahigayon nga lima ka adlaw nga Disaster Management Training didto sa 10th Regional Community Defense Group sa Bad-as, Placer.

Ubay-ubay usab ang serbisyo medical ang ilang narespondihan dinhi sa mainland sa pagtransport sa mga pasyente sa balay tambalanan, pagsugat sa pantalan ug paghatud sa panimalay sa mga pasyente.

Matud pa ni Al Lumapas ang Team Leader sa RESCUE 44 sa probinsya, daghan pa ang mga nakahan-ay nga mga programa nga ila karong gipangandaman aron sa paghatag ug kalidad nga panirbisyo sa mga katawhan nga maoy kanunay gitinguha sa maalagarong Gobernador Robert Ace Barbers. (PGO-Media Bureau)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.