Agig pagpalambo sa natad sa turismo, 3 ka adlaw nga Tourist Reception and Guiding Techniques Seminar/Workshop gipahigayon

Ang buhatan sa Provincial Tourism Office malampusong mipahigayon sa ilang 3-day Tourist Reception and Guiding Techniques Seminar/Workshop kagahapong adlawa, Abril 27, 2009, didto sa Provincial Planning and Development Office (PPDO) Conference Room sulod sa Capitol Compound.

Ang maong pagbansay-bansay, usa lamang sa mga daghan nga inisyatibo nga gipasiugdahan sa pangagamhanan sa probinsya ilawom sa liderato ni Gov. Robert Ace Barbers para sa kalamboan sa Surigao del Norte hilabi na sa natad sa turismo.

Gitinguha sa maong 3-day Tourist Reception and Guiding Tecniques seminar nga makahatag ug dugang kahibalo sa mga sakto ug tukma nga pamaagi sa tour guiding nga maoy basehan sa usa ka propesyunal, epektibo ug episyente nga tourist guide nga angayan gayud nga mokuyog ug mopresentar sa kaanyag sa atong mga tourist destinations dinhi sa probinsya.

Ang maong seminar gisalmutan sa 33 ka mga partisipante nga naggikan sa nagkalain-laing munisipyo ug mga tourism offices uban usab ang ilang mga guest speaker gikan sa Dept. of Tourism-Regional Office sama nila Ms. Mary Jean A. Camarin, ang DOT-Caraga Region, Senior Tourism Officer, Mr. Jhules M. Baril, Mr. Tryll G. Chiu u gang Prov”l. Tourism Culture & Office Project Dev. Officer I, Mr. Jun M. Ramirez.

Daghan ang nakadayeg ug nalipay sa maong kalihukan tungod nakahatag gayud kini ug dakong tabang ngadto sa tanang mga interesado niini hilabi na nga ang atong probinsya puno sa mga eco-tourism spots nga angay gayud ipasigarbo dili lamang sa nasud sa Pilipinas kung dili pati na usab sa tibuok kalibutan.

Gipanghinaut usab ni Gob. Ace nga ang tanang Surigaonon mohatag usab ug hugot ug dakong suporta niini pinaagi na sa pagbaton sa kalimpyo sa palibot ug ang pagprotiher sa atong mga kinaiyahan aron kining tanan mapahimuslan pa sa mga umaabot nga mga henerasyon. (SdN PGO-Media Bureau)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.