PGMA mihatag ug 5 milyon kay Kong. Matugas para sa tambal

Kongresista Lalo Matugas nakadawat na usab ug hinabang sa kantidad nga 5 milyon ka pesos gikan ni President Gloria Macapagal Arroyo atol sa iyang pagbisita dinhi sa Surigao city niadtong April 15 ning tuiga.

Dako nga pasalamat sa kongresista sa distrito uno gumikan sa iyang nadawat nga kantidad gikan sa Presidente. Samtang naglawig ang RORO OCEAN KING II padayon ang interview sa mga Media pinaagi sa paghisgot sa kalamboan sa probinsya sa Surigao del Norte ug mga kasikbit na probinsya. Human sa gipahigayon nga interview sa mga Media ngadto sa Presidente. Iyang gitawag si kongresista Lalo Matugas kay tungod usa lamang siya sa kongresista nga mikuyog sa maong biyahe gikan sa Surigao City Port paingon ngadto sa San Ricardo, Southern Leyte. Sa dihang nagka-istorya si Presidente Gloria Macapagal Arroyo ug Kongresista Lalo Matugas gipangutana sa Presidente ang kongresista kung unsay iyang maihatag nga tabang sa distrito uno isla sa Siargao ug kini gitubag sa kongresista usa sa problima sa isla sa Siargao ang tambal para sa katawhan hilabina sa mga kabus.

Si PGMA nagmando gilayon sa iyang assistant nga hatagan si Kongresista Lalo Matugas ug 5 milyon ka pesos para sa tambal. Malipayon ang kongresista ug iyang gipasalamatan ang Presidente gumikan kay wala niya damha nga sa iyang pagkuyog makakuha siya sa maong kantidad.

Ang maong pondo inisyatibo sa kongresista para sa katawhan sa isla kay iyang nakita nga daghan ang mga pasyente ang anaa sa kalisod ug dili makapalit sa mga tambal. (Ed Mapayo, Surigao Balita)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.