Kriminalidad sa Caraga Region misaka, PRO-13 na-alarma

Na-alarma na ang Police Regional Office-13 sa pagsaka sa rata sa kriminalidad sa rehiyon sa unang kwarter karong tuiga apan aminado si P/Sr Supt Nestor Fajura – hepe sa R3 Division nga ang trend sa pagsaka mao usab ang nahitabo sa ubang rehiyon sa nasud.

Gibutyag sa opisyal nga niadtong tuig 2007 0g 2008, mikunhod og mayo ang crime volume sa rehiyon apan sa unang kwarter ning tuiga, misaka kini hinuon dili kini susama kataas sa level niadtong tuig 2005 og 2006.

Partikular sa mga kasong misaka mao ang index crimes sama sa murder, homicide, physical injuries, rape, theft og robbery kansa maoy ilang gibantayan tungod kay dinhi kasagaran ang duna’y matalang casualty.

Sa maong mga kaso, ang ilang mas gikabalak-an mao ang pagsaka sa ihap sa mga kasong murde, robbery, homicide og rape. (James Barcelona, Lantawan)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.