Agig pagtak-op sa Disaster Month Celebration, Gov. Ace Barbers mopahigayon sa Tree Planting Activity sa Prov’l. Forest Park

Sa nasayran karon nga bulan, gi selebrar sa tibuok nasud ang National Disaster Conciousness month diin ubay-ubay nga mga kalihukan ang gipahigayon sa kasamtangang pangagamhanan ug usa na niini mao ang pagpahigayon sa usa ka Tree Planting Activity karong Hulyo 24, 2009 sa may alas 8 sa buntag dinhi sa Provincial Forest Park ning atong dakbayan agig pagtak-op sa maong selebrasyon.

Ang maong kalihukan pagasalmutan sa tanang mga empleyado sa Kapitolyo nga pagapanguluhan sa batan-ong gobernador, Gov. Robert Ace Barbers uban ang iyang kaabag, Vice-Gov. Noel P. Catr, mga miyembro sa Sangguniang Panlalawigan, mga Department Heads ug ang ilang mga assistants.

“Akong gi awhag ang tanang empleyado ug pait na usab ang tibuok katawhang Surigaonon nga atong batunan ang pagpananom sa mga kahoy tungod nakahatag man kini ug dakong tabang sa panahon sa ting-ulan. Gikinahanglan gayud kining mga kahoy sa atong katilingban tungod kay gawas sa isa sa mga tinubdan sa panginabuhi-an, ang mga dagkong kahoy makatabang man aron nga ang katawhan mahilayo sa peligro ug possible nga mga disgrasya sama sa landslides,” nagkanayon si Gov. Ace Barbers.

Gipanghinaut sa Gobernador nga ang maong kalihukan magmalampuson ug mabungahon. Dako ang iyang pagsalig nga ang tanang katawhan mosanong niining maong panawagan pinaagi na sa paghatag sa ilang tiunay ug hugot nga suporta niini. Ang maong kalampusan dili mahitabo kung isalig lamang tanan sa gobyerno, gikinahanglan usab ang pagtambayayungay ug ang hiniusang kooperasyon gikan sa tanan. (PGO-Surigao del Norte Media Bureau)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.