Gov. Ace Barbers mas gihatagan ug igong panahon ang pagpangalagad kaysa pagpamulitika

Gipanglantawan gayud ni Gov. Ace Barbers ang kabililhon sa katawhang Surigaonon labaw sa tanan tungod mas gihatagan niini ug igong panahon ang panghatag kalidad nga serbisyo kaysa pagpangandam o paghimo ug mga lakang alang sa umaabot nga eleksiyon.

Ubay-ubay nga mga programa ug mga kalihukan ang iyang gipahigayon hilabi na gayud ang mga programa nga makapalambo sa natad sa agrikultura diin atong nasayran nga dili palang dugay, siya mihimo ug mga inisyatibo nga makahatag ug dakong tabang sa mga mag-uuma. Kung atong madumduman si Gov. Ace mihatag ug mga tabang financial ug mga ekwipo sama sa Provincial Feed Mill ug 3-in-1 Corn Sheller alang sa tanang mga mag-uuma sa probinsya. Sa nagpadayon usab nga People’s day, makanunayon sa gihapon ang pang apud-apud ug mga organic fertilizers ug deworming drugs alang sa mga kahayupan.
.
Matud pa sa gobernador, “Kung ang uban mihimo na ug mga lakang alang sa preparasyon sa lain na usab nga pamulitika, ang pangagamhanan sa probinsya, mas giprayoridad ang paghimo ug mga lakang nga makahatag ug kaayuhan sa mga katawhan. Unahon usa nato ang pagtrabaho ug pagserbisyo, kay mao man kini ang tumong ug tuyo sa atong pagpangatungdanan”. “Ako manghinaot nga sila magmata na sa kaligdong sa panirbisyo, tungod kay mao kini ang gilantaw ug mas gikinahanglan sa mga Surigaonon sa usa ka lider.”
.
Daghan ang nakadayeg sa Gobernador tungod sa maong mga pagpaningkamot niini nga mahatagan ug dakong kausbawan ang panginabuhi-an ang matag Surigaonon. Tungod niini, nakita ug nasinati gayud sa tibuok katawhan ang tiunay nga pagpangalagad ni Gob. Ace Barbers uban usab ang hugot nga suporta sa iyang mga kaabag sa pagpanirbisyo. Nanghinaut ang katawhang Surigaonon nga ang ubang lider magiyahan usab unta sa maong mga gasa aron sa ingon nga sila usab makabuhat ug maayo sa katilingban dili kay mas unahon pa ang laing butang sama sa pamulitika ug ato usab nga huna-huna nga ang usa ka epekto ug episyente nga liderato. (PGO-Surigao del Norte Media Bureau)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.