Bantugang mga Adventurist-Friendship Kayak Expedition moari sa probinsya sa Surigao del Norte

Sa makausa pa, mapagarbuhon na usab ang mga Surigaonon diin nahiapil na usab ang probinsya sa Surigao del Norte sa usa sa mga ruta nga paga agihan sa mga batikan ug bantugan nga mga adbenturista sa kayak, nga gitawag nga Friendship Kayak Expedition.

Niadtong Setyembre 23, midangat ang maong grupo sa Hayanggabon Port ug sa misunod nga adlaw, Setyembre 24, sila mipaingon na usab sa Sohoton Cove, usa sa mga maanindot nga tourist spots dinhi sa probinsya. Ug karong adlaw nga Sabado, Setyembre 26, sila gi schedule alang sa usa ka Press Conference sa pagkagabii nga pagahimuon didto sa Hotel Tavern. Ug sa Setyembre 27, mobiya ang Kayak Expedition sa Lipata Ferry Terminal paingon na usab sa Southern Leyte.

Malipayon ug mapagarbuhon si Gov. Ace Barbers nga gipili sa maong grupo ang probinsya sa Surigao del Norte isip usa sa ilang mga ruta sa ilang gipahigayon nga kayaking dinhi sa tibuok nasud. Dugang pa niini, iya usab nga gibutyag nga ang maong talagsaong higayon, nakahatag ug dakong tabang sa pagpaugmad sa atong turismo. Pinaagi sa pagpakita sa kaanyag sa atong probinsya sa mga telebisyon ug mga nagkalain-laing websites, dili layo nga maila na usab ang atong lalawigan sa tibuok kalibutan. (PGO-Media Bureau)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.