Gov. Ace Barbers labing gipangandaman na karon ang ika – 15 nga Siargao International Surfing Cup sa Lungsod sa Gen. Luna

Malipayon ug madasigong gibutyag ni Gov. Ace Barbers uban sa hugot nga suporta nga gihatag usab sa buhatan sa Provincial Tourism Office nga andam na ang probinsya sa laing dakong kalihukan na usab nga pagahimuon dinhi sa atong probinsya, partikular na diha sa Lungsod sa Gen. Luna nga mao kining 15th Sirgao International Surfing Cup nga pagabuksan karong Oktubre 20 ug kini molungtad hangtud sa Oktubre 27, 2009.

Ubay-ubay na nga mga kalihukan ang giandam sa Provincial Tourism Office ubos na sa pagdumala sa Provincial Tourism Officer niini nga si Mr. Arturo Cruje. Gikalipay usab sa maong buhatan ang mga kompirmasyon nga ilang nadawat sa mga giimbitar nga mga bisita gikan sa kauluhan hilabi na sa mga bisita nga nanukad pa gikan sa gawas sa nasud.

Dako ug ubay-ubay na usab ang preparasyon nga gihimo sa local government unit sa maong lungsod pinaagi na sa maabtik nga Municipal Mayor niini nga si Hon. Felipe “Ping” Espejon. Matud pa sa Mayor, dako ang iyang pasalamat ngadto kang Gov. Ace Barbers sa dakong tabang nga naihatag niini sa Lungsod sa Gen. Luna hilabi na ngadto sa mga lungsuranon. Tungod sa mga paningkamot sa Gobernador nga maila ang ilang lungsod sa ilang daghan nga mga tourism destinations, kini nakapadani sa mga bisita nga moadto sa ilang lungsod nga maoy nakapausbaw sa ilang panudlanan.

Gi-awhag ni Gov. Barbers ang katawhang Surigaonon nga sa makausa pa, gikinahanglan na usab ang ilang tiunay ug hugot nga suporta niining laing talagsaong kalihukan sama sa ilang suporta nga gipakita sa niaging Bonok-Bonok Maradjaw Karadjaw Festival. Gilauman sa batan-ong Gobernador nga magmalampuson ang ika-15 nga Siargao International Surfing Cup tungod mamahimo na usab kini nga laing kalambo-an sa Probinsya sa Surigao del Norte nga angay lamang gayud ipasigarbo ngadto sa uban. (PGO-Media Bureau)

Share: