Wage incease petition sa Caraga, duna'y deadlock

Aminado si Director Romeo Cagas sa Department of Labor and Employment-Caraga nga duna pa'y deadlock sa petisyon sa labor sector nga usbawan ang ilang suhulan ilabina ang mga anaa sa pribadong sektor.

Kini tungod sa wala pa'y nakab-ot nga hingpit nga kasabutan kung pila gyod ang angayang i-usbaw nga ka-uyunan usab sa management sector. Sigon sa opisyal, mi-abot sa pito ka opsyon ang ilang napili-an adiser sila nagkasabot nga subling magtagbo karong Hulyo 20 aron ipinalisar kini.

Katapusan matud pa nilang nasabutan alang sa labor sector nga himuong P230 ang basic wage og dugangan og 10-pesos nga cost of living allowance kon COLA apan alang sa management sector, 210-pesos lang gihapon ang minimum wage nga usbawan lang og 13-pesos og dugangan og P5 nga COLA.

Gidugang sa opisyal nga gihulat na lang nila ang mamahimong i-usbaw sa mga Regional Tripartite Wages and Productivity Board sa mga dagkong siyudad dinhi sa Mindanao og Visayas adiser sila magpatuman og usbaw sa suhulan alang sa mga mamumuo ning rehiyon.

Giklaro ni Cagas nga dili mamahimong mas mutaas pa ang usbaw sa suhulan sa mga empleyado ning rehiyon kaysa ubang rehiyon og siyudad sa Mindanao og Visayas sama sa Cebu City, Cagayan de Oro City, Zamboanga og uban pa. (Bombo Radyo)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.