Cebuano News: Probinsya sa Surigao Norte padayon sa pagpanghatag ug mga relief goods sa mga kamunispyuhan

Ang probinsya inubanan sa Department of Social Welfare and Development (DSWD), Provincial Social Service Office (PSSO), Provincial Disaster Risk Reduction and Management Council (PDRRMC) ug uban pa nga mga buhatan ang nagpadayon sa pagpagnhatag ug mga relief goods didto sa mga kamunisipyuhan nga nahimong apektado sa sunod-sunod nga pag-ulan lakip na ang pagbaha sa pipila ka mga lugar.

Basi sa nakuha nga report gikan sa buhatan sa DSWD, ang munisipyo sa Mainit adunay 10 ka sako sa NFA Rice ug 10 usab ka kahon nga mga canned goods ang gipanghatag, sa Tubod 10 ka sako sa NFA rice ug 10 usab ka kahon sa canned goods. Sa Tagana-an, 10 ka sako nga NFA rice ug 10 ka kahon usab nga canned goods. Sa lungsod sa Alegria, 10 ka sako nga NFA rice ug 15 ka boxes nga canned goods, sa Malimono adunay 30 ka boxes nga mga canned goods ug 10 ka sako sa NFA rice.

Samtang sa isla sa Siargao, sa report nga nakuha niadtong Peb. 2, ang bugas mao ang nauna nga gipanghatag tungod kay nauna naman kini ug pagpadala ngadto sa mga kamunisipyuhan nga apektado, ang mga canned goods usab ang kagahapon nga adlaw pa lamang nahatag.

Sa lungsod sa Sta. Monica, 14 ka sako nga NFA rice ug 40 ka boxes nga canned goods ang nahatag.Sa Dapa, adunay 20 ka sako nga NFA rice ug 50 boxes ka mga canned goods. Sa Del Carmen, 20 ka sako nga NFA rice ug 50 boxes nga canned goods, Gen. Luna 20 ka sako nga NFA rice ug 50 ka kahon nga canned goods. Sa Socorro, 20 ka sako sa NFA rice ug 53 boxes sa canned goods ang nahatag. Sa San Benito, 14 ka sako sa NFA rice ug 30 ka boxes sa canned goods, Pilar 14 ka sako nga NFA rice ug 40 ka boxes sa canned goods samtang sa lungsod sa Burgos ang adunay 14 ka sako sa NFA rice ug 30 ka boxes sa canned goods.

Dugang pa nga ang proseso sa ilang pagpanghatag ang nagbsai kung pila ang nahimong ihap sa pamilya nga apektado, tumong niini para walay pamilya nga magmahay. (Surigao del Norte Provincial Information Center)

Share: