Cash assistance sa mga biktima sa bagyong Frank gitunol na

Gitunol na ni halandong City Mayor Alfonso S. Casurra ang cash assistance nga nagkantidad ug P21,000.00 gikan sa City Disaster Coordinating Council ngadto sa 6 ka mga banay nga taga sitio Giso, Capalayan ning dakbayan sa Surigao alas 10:00A.M. niadtong miaging semana didto sa iyang buhatan.

Sumala pa sa mga banay nila Raul ug Nenith Bolandrina, Sherlito ug Jocelyn Alce, Avito ug Marivic Turaja, Felicisimo ug Josephine Bolandrina, Roberto ug Norma Lerio ug si Roselyn Dahang, daku kaayo ang ilang pasalamat sa SCDCC labina kang Mayor Pons yawat magamit nila ang maong salapi sa pagpangita sa ilang kabataan didto sa mga kasikbit nga kaislahan sa kabisay-an.

Ang maong kantidad nga 21,000.00 ka pesos mao ang pagtuman sa gisaad sa SCDCC nga i-ayuda nga tag 3,000 matag usa ka pamilya nga nawad-an ug anak gumikan sa bagyong Frank, atol sa hini-usang tigum sa Peace & Order ug City Disaster Coordinating Council di pa lang dugay.

Samtang padayon nga gipangita sa nasangpit nga mga banay ang ilang mga anak, padayon usab ang City Social Welfare Office ug Phil. National Red Cross pagsuporta pinaagi sa paghatag pagkaon alang kanila. (CMO-Surigao City/PIA-Surigao del Norte)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.