Cebuano News: Gob. Barbers giseguro nga luwas ang mga lumolupyo sa Dapa, GL ug Panatao sa Claver nga gi-atake sa mga rebelde

Surigao City (June 30) -- Sa nahitabong pagpangatake sa mga NPA sa Dapa, GL ug Claver, personal nga miadto si Gob. Ace Barbers sa lungsod sa Claver aron sa paghatag ug mga hinabang sa mga lumolopyo nga namakwit sa nahitabong engkwentro tali nasa militar ug mga NPA. Gipadala sa Gobernador ang RESCUE 44 ug ang DSWD/Social Service Office, aron sa pag-asister sa mga katawhan sa pagsiguro nga luwas sila sa peligro sa maong panagbangi.

Sa pagkalambigit sa Congresista sa unang distrito, Lalo Matugas ug Mayor Ruaya sa Dapa nga maoy hinungdan sa pagpangatake tungod sa mga alegasyon nga pag-abuso, ug pagdaog-daog sa mga kabus natong mga kaigsuonan diha sa maong mga lungsod, si Gob. Barbers naninguha nga mahatagan ug hustisya kung kinsa man ang gilutos ug gibiktima sa pandaog-daog sa land-grabbing ug pagpanangtang sa mga trabahante nga walay igong basihan, pagpasulod sa illegal nga droga ug swertres.

"Adbokasiya karon sa atong pangngagamhanan ang pagkab-ot sa kahapsay ug kalinaw, mao nga akong tulubagon sa mga katawhan sa paghatag kalinawan sa maong isyu sa maong mga pulitiko nga maoy nakaaghat sa maong pagpangatake, aron nga mahatagan ug proteksyon ang ilang mga katungod labi na ang Kabul tang mga kaigsuonan. Busa kung kinsa man ang maoing mga pulitiko nga gitudlo sa maong pundok ato kining pangitaan sa saktong paagi aron masulbad ug magkahiusa ang tanan alang sa kahapsay ug kalinaw sa atong probinsya," nagkanayon si Gob. Barbers. (PGO-Media Affairs Office/PIA-Surigao del Norte)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.