Masadyang Gisaulog Sa Mga Lolo Ug Lola Ang Senior Citizens Day Ug Christmas Gathering Sa Probinsya

Dako ang kalipay sa Senior Citizens Federation sa probinsya sa pagpangulo ni Mr. Ramon H. Carlota, Jr. sa gipahigayon nila nga tinuig nga selebrasyon, ang Senior Citizens Day ug Christmas Gathering niadtong, Disyembre 4, 2009 sa Provincial Convention Center.

Mapasalamaton ang buotang Gobernador Ace Barbers tungod sa gipakita nga nagpadayong kadasig, kaabtik ug sa kamaayo sa lawas sa mga Lolo ug Lola luyo sa ilang katigulangon, diin sa maong okasyon , Makita gayud sa ilang kahimtang ang mga malampusong programa para sa mga Senior Citizens pinaagi sa buhatan sa Provincial Social Services and Development Offices ug sa DSWD sa pagpangulo nila Mr. Tony Tiu ug Ms. Rosemarie Catelo.

Ang maong selebrasyon nagdala sa tema, “Nakatatanda, Dangal at Yaman ng Bansa, Noon at Ngayon”. Si Vice-Governor Noel Catre nga maoy nagrepresentar kang Gov. Ace Barbers nagpaabot sa usa ka mahinungdanon nga mensahe para sa mga Senior Citizens kung unsa sila kapinangga sa Gobernador ug uban pang mga opisyales sa probinsya, diin gipamatud-an kini pinaagi sa pagpasar sa usa ka Provincial Ordinance No. 05 series of 2009 niadtong Hulyo 27, 2009, nga giamahanan ni BM Isabelita M. Edera, nga nagmugna sa Council of the Elderly sa probinsya.

Gidugang usab ni Vice-Gov. Catre kung unsa ka dako ang tabang sa mga Senior Citizens sa kalamboan sa atong nasud, ug siya nagkanayon nga “ maski tuod nagkinahanglan kita ug mga batan-ong mga lideres, still, “ The enthusiasm of the Young must be tempered by the wisdom of the Old”.

Gihisgutan usab sa maong okasyon ang mga Updates on Welfare & Development of Senior Citizens nga gihatag sa DSWD Caraga Regional Dir. Ms. Merciditas Jabagat, ug sa National Anti-Poverty Commission Program on Senior Citizens Sector. Ang ubang kalihukan naglakip usab sa Ballroom Dance Competition ug mga nagkadaiyang mga Parlor Games, diin napahimuslan gayud sa mga lolos ug lolas ang maong higayon nga sila magkahiusa nga madasigon ug malipayon, labi na sa kasaulogan sa kapaskohan.

Nanghinaut si Gov. Ace Barbers nga magmabungahon pa ang tanang mga programa nga gihan-ay alang sa mga Senior Citizens, ug kini magmakanunayon, u gang Federasyon sa probinsya magpabilin nga malig-on aron makapadayon pa kini sa ilang misyon sa pagtabang sa uban pang mga Senior Citizens sa mga kalungsuran. (PGO-Surigao del Norte Provincial Information Office)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.