Bag-ong Presidente sa Surigao State College of Technology natudlo na

Sa gihimo nga election sa mga opisyales sa Board of Trustees sa Surigao State College of Techology (SSCT) didto sa CHED Central Office, niadtong Martes, Nobyembre 23, nagmadaugon si Dr. Gloria Gemparo batok nila Dr. Aida Tobes nga taga-Samar, Dr. Jocelyn Medina ug Dr, Webster Donoso nga gikan ra usab sa SSCT sa pagkapili isip bag-ong presidente.

Si Gemparo ang kasamtangang Asst. Schools Division Superintendent sa Deped Surigao del Norte Divion.

Sa resulta sa botasyon, otso (8) botos ang naangkun ni Dr. Gemparo og zero (0) ang boto ang naangkun nila Dr. Medina, Donoso ug Tobes.

Ang naglangkob sa botasyon gipangolohan ni Ched Chairperson Patricia Licuanan,Vice Chairperson ug CHED Caraga Director Virginia Akiate og mga myembro sa Board of Trustees sakop sa Senate Committee on Education, House of Representatives Committee on Education, Faculty Federated President, Student Trustee ug duha ka mga myembro gikan sa private sector.

Matud pa ni SSCT OIC President ug CHED Regional Director Dr. Akiate nga unanimous votes ang naangkun nga kadaugan ni Dr. Gemparo tungod kay bisan ang CHED Chairperson Secretary Licuanan didto mibotar kang Gemparo.

Dugang pa ni Director Akiate, si Dr. Gemparo nanumpa na kagahapon sa iyang posisyon atubangan ni Secretary Licuanan og moasumer si Dr. Gemparo isip Presidente sa Surigao State College of Technoloy karong Disyembre 1, 2010.

Samtang gipaabot nila Congressman Francisco Matugas, Congressman Guillermo Romarate ug Governor Sol Matugas ang ilang mainiton nga pag-congratulate sa bag-ong molingkod nga Presidente sa Surigao State College of Technology nga si Dr. Gloria Gemparo. (Jun Parada, Surigao Norte PGO-Media Affairs Office)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.