Education caravan, panambay sa barangay ug tigum sa mga kapitanes gihimo sa lungsod sa Malimono

Intiro adlaw an tagbuhos na oras ni Gobernador Sol Matugas ug Vice Governor Arturo Carlos Egay, Jr., niadtong miaging semana didto sa lungsod sa Malimono, diin ang team capitol migikan sa syudad alas 6:00 sa buntag ug namauli gikan sa Malimono alas 6:00 sa gabii.

Ang isa ka adlaw na pagbisita sa team ni Gobernador Matugas mao ang pagpadajon sa pagbisita sa mga eskwelahan aron isab ija mahimamat ang mga tinun-an ug mga ginikanan lakip na usab ang pagtunol sa mga health kits alang sa mga tinun-an sa kinder garten ug grade 1 na magamit sa ilang inadlaw-adlaw na kaugalingon duyog ang pag-atiman sa panglawas sa ginikanan diha sa ilang panimalay.

Si Gobernador Matugas ug Vice Governor Egay nagsugod pagbisita didto sa pinakalayong barangay nga mao ang Pili Elementary School ug sunod ang Can-aga Elem. School, Dumanig Primary School, Cantapoy Elem. School, Cansayong Elem. School, Bunyasan Elem. School, Hanagdong Elem. School, Masgad Elem. School, Malimono Central Elem. School u gang Cag-tinae Elem. School.

Samtang gipahigayon usab ang panambay sa barangay didto sa mga barangay sa Pili, Cantapoy ug Masgad sa pagpanguna ni Provincial Health Officer Dr. Leonora Andanar, diin ang mga katawhan nakapahimuyos sa libreng ibot sa ngipon, libreng medical check up, tuli, papsmear sa mga kababainhan ug ang paghatag sa libreng tambal.

Ug pagka alas singko sa hapon tagpahigayon usab ang tigum sa mga kapitanes uban ang si Gobernador Matugas ug Vice Governor Egay, lakip sa mga nahisgutan sa maong tigum mao ang mga priority projects sa ilang tagsa-tagsa ka mga barangay sma sa paghatag og Day Care Center kantidad P400,000, paghatag puhonan para sa panginabuhian sa mga katawhan, pag-ayo sa mga kadayanan u gang pag-improbar sa Nokos Bolingit na magsilbing produkto sa Malimono para sa Surigao’s best.

Atol sa maong tigum gimanduan ni Gobernador Matugas si Malimono Mayor Teodoro Senaca, Jr. ug mga kapitanes nga tutukan ang pagtaas sa koleksyon sa buhis ilabina na sa real property tax ug kinahanglan zero drop out gyod ang matag tunghaan.

Samtang si Mayor Senaca mipadayag sa iyang dakong pasalamat ngadto kang Gobernador Matugas sa iyang paghatag og importansya sa mga katawhan sa lungsod sa Malimono ilabina kay sila nahisakop sa 5th class municipality ug ang pagpa-ayo sa mga kadalanan niini hinungdan nga ang mga kadalanan karon sa lungsod dili na libaongon. (Jun Parada, Provincial Information Center/PIA-Surigao del Norte)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.