Task force sa Surigao City sa pagmo-monitor sa mga internet café, muling magiging aktibo

MULING magiging aktibo ang Task Force na binuo sa Surigao City sa pagmo-monitor sa mga internet cafe na hindi sumusunod sa city ordinance na nagbabawal sa mga menor de edad na papasukin at pahintulutan na maglaro ng mga computer games kahit na araw ng klase.

Ito ang inihayag ni Mayor Ernesto Matugas, itoý matapos na humingi ng tulong si City Councilor Flor Laxa, ang Chairperson sa Committee on Education ng Sangguniang Panlungsod.

Ayon sa alkalde, nag-alala si Councilor Laxa lalo na’t maraming mga magulang ang nagrereklamo na ang kanilang mga anak ay hindi na pumapasok sa eskuwela at nasa mga internet cafe na lamang, naglalaro ng computer games.

Diumano’y marami sa mga ito ay bumabagsak sa kanilang mga subjects dahil sa naturang bisyo.

Inihayag ni Mayor Matugas na base sa rekomendasyon ni Vice Mayor Danilo Menor, ang lokal na pamahalaan ay bibili ng dalawang multicab nang magamit ng task force sa paglilibot at kung sinumang may-ari sa internet cafe na hindi sumunod sa ordinansa ay mananagot, kung 1st offense ay magbabayad ng multa at kung ilang beses na ginawa ay hindi na ma-renew ang business permits ng mga ito. (Jocelyn Ferol/RMN-Surigao)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.