Training alang sa lobster/grouper culture sa marine cages gipahigayon sa isla sa Nonoc

Nagmalampusong gipahigayon ang one-day training on Lobster/Grouper culture in Marine Cages didto sa isla sa Nonoc, Surigao City niadtong adlawng Biyernes, Hunyo 1, 2011.

Ang maong programa gitambongan ug gipaluyohan ni Surigao City Mayor Ernesto T. Matugas uban usab sa pagpangulo ni Mr. Isaias Elumba ang hepe sa City Agriculture Office. Lakip na sa mga mihatag ug presensya mao ang mga opisyal sa isla nan Nonoc, Lisondra, Talisay, Aurora lakip isab sa Brgy. Anomar.

Sa pamahayag ni Mayor Matugas sija ming-saad nga hatagan og igong suporta ang maong programa tungod kay usa lamang kini sa mga programa ubos sa iyang administrasyon nga dili lamang sa mga mag-uuma kon dili lakip isab sa mga mangingisda kon managatay. Diin matod pa niini kini nga training daku karajaw nga tabang para sa mga residente nan nasangpit nga baranggay aron maoy ilang panginabuhian.

Samtang sa laing bahin usab gipahimang-noan ni Mayor Matugas ang mga residente nga kinahanglan usab sila mamahimong responsable sa pagbantay sa atong kadagatan ilabina sa mga mupahigayon ug iligal nga pagpanagat gamit ang dinamita. Hugot usab nga ge kampanya nan Mayor ang getawag nga “Bantay Dagat” aron mahatagan proteksyon ang ilang gelusad nga programa hangtod sa kini magmalamposon sa hingpit.

Nalipay isab si Mayor Matugas sa mga residente nga diin sila desido ug interesado gajud nga maka-angkon ug trabaho pina-agi na sa pag-panagat dili lamang sa mga isda kon dili lakip usab sa gitawag nga Lobster o Banagan. Nanghinaut pa si Mayor Matugas nga dili kini mahunong tungod kay sija muhimu sa pagbisita aron ija kini efollow-up kung unsa nay resulta sa ilang gilusad nga programa. (Annette Villaces, City Media Information Center)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.