Anak sa pastor nga suspek sa pagpamaligya og druga dakpan sa PNP

Photo credit: Ed Mapayo

By Ed Mapayo

ALEGRIA, Surigao del Norte (Sep. 4) - Nagtingkagol karon sa bilanggoan ang anak sa usa ka pastor human nadakpan sa gipahigayong buy-bust operation sa kapulisan sa lungsod sa Alegria niadtong September 3, ala-una trinta ang takna sa hapon (1:30pm) sa Purok-1, Barangay Ouano, sakop sa maong lungsod.

Giila ang nadakpan sa pangalang JETHRO PESADO VITOR, 34 anyos, minyo walay trabaho molupyo sa Purok-1, Brgy. Anahaw sakop sa naasoyng lungsod, nasikop ang maong suspek pinangunahan ni Police Senior Inspector Elmer Ligalig, pinasikad sa buy-bust operation, nakuha sa posisyon sa suspek ang lima ka sachets nga gisuspetsahang shabu, usa ka motorsiklo Yamaha Crypton kolor itom, usa ka cellphone ug P500 marked money nga adunay serial number nga KH616708.

Ang maong operasyon gisaksihan nila Hon. Almasur G. Opalia, Brgy Kapitan sa Brgy.Ouano, Hon. Bernardo A. Gohil, Brgy. Kagawad sa maong lugar ug Mr. Edito Mapayo, myembro sa media.

Sa pakighinabi sa media kang Police Senior Inspector Ligalig, sumala pa niya nga ang maong suspek nagsurender na kini pinaagi sa OPLAN TOKHANG apan nagpadayon pa gihapon sa pagpamaligya sa ginadiling druga hinungdan nga nakadesisyon sila nga dakpon pinasikad sa buy-bust operation diin usa ka pulis ang nagpailang customer ngadto sa suspek nga mopalit og druga gamit ang P500 na marked money human pagpalit gidakop dayon kini.

 

Photo credit: Ed Mapayo

Ang suspek gipasakahan na sa kasong pagsupak sa balaod sa R.A. 9165 ug gibilanggo sulod sa PNP Station sa maong lungsod.

Share: