Lima ka suspek sa pagmaligya og droga sikop sa buy-bust operation

Photo credit: Ed Mapayo
By Ed Mapayo
DAKBAYAN SA SURIGAO, Surigao del Norte (Sept. 18) - Sikop ang lima ka suspetsado sa pagpamaligya og droga sa gipahigayong buy-bust operation sa mga sakop sa PNP Intelligence sa syudad sa Surigao niadtong September 16,2016 alas 12:35 ang takna sa tungang gabie sa sulod sa kwarto numero 308, JVC Apartele Hauz, Narciso St, Brgy. Washington, Surigao City.

Ang mga suspek nailhan sa pangalan RENATO GOPO GUILLENA alias “Natoy”, 42, minyo, walay trabaho ug kapuyo niini nga si MARY GRACE GUCOR ACIDO alias “Grace”, 30 anyos, walay trabaho pulos nagpuyo sa Purok 1-A, Brgy. San Juan, Surigao City. MALVIN CONSUEGRA BEGIL alias “Vin” 45 anyos,minyo walay trabaho molupyo sa Brgy. Luna, Surigao City, IAN TULDO MATUGAS alias “Ian”, 26 anyos,ulitawo,walay trabaho, nagpuyo sa Narciso Rosales St, Brgy. Taft, Surigao City ug GILBERT DONOSO OMBINA alias “Bobot” 55 anyos,minyo, auto electrician ug molupyo sa Roxas Rizal St. Brgy. Washington, Surigao City. Ang mga naasoyng suspek wala kini listahan sa kapulisan ug wala malakip sa OPLAN TOKHANG.

Nasikop ang lima ka suspitsado pinasikad sa buy-bust operation ubos sa pagpanguna ni Police Senior Inspector Elmer Ligalig, ang hepe sa intelligence sa kapulisan sa naasoyng syudad uban sa iyang mga sakop. Nakuha sa sulod sa maong kwarto ang tulo ka selpon, usa ka timbangan kon (electronic weighing scale) usa ka android tablet ug klasi-klasing mga butang nga gamit sa droga, usa ka pack ang gisuspitahang dahon sa marijuana nagtimbang og 6 grams ug nagkantidad (P 330.00) laing cash mikabat P470.00, nuybe ka dagkong plastic sachets ang gidudahang shabu, lima ka gagmay’ng plastic sachets gisuspitsahang shabu gihapon, ang tanan nagtimbang og 10 grams ug nagkantidad 118,000 pesos. Laing usa ka plastic sachet ang gisuspitsahang shabu ang nagtimbang 1 gram ug nagkantidad P1,180.00 ang napalit sa pulis nga nagpailang customer ngadto sa suspek na sila RENATO GOPO GUILLENA alias “Natoy”, ug MARY GRACE GUCOR ACIDO, gamit ang marked money P1,000.00 adunay serial number FP805459. Human pagpalit gidakop dayon sila, nabawi usab sa posisyon sa mga suspek ang naasoyng marked money.

Ang mga nakompiskang droga ug mga gamit sa droga nakuha sa posisyon sa mga suspek na si MALVIN CONSUEGRA BEGIL alias “Vin” ang usa ka sachet nga gisuspitsahang shabu nagtimbang og 1 gram nagkantidad P 1,180.00, usa ka kolor green disposable lighter ug usa ka ginamang aluminum foil trip. Sa posisyon sa laing suspek na si IAN TULDO MATUGAS alias “Ian” nakuha kaniya ang usa ka sachet ang gisuspitsahang shabu diin nagtimabang og 1 gram ug nagkantidad P 1,180.00, usa ka kolor green disposable lighter, usa ka ginamang aluminum foil trip ug usa ka coin purse. Sa posisyon sa laing suspek usab na si GILBERT DONOSO OMBINA alias “Bobot” nakuha kaniya ang usa ka sachet nga gisuspitsahang shabu nagtimbang og 1 gram nagkantidad P 1,180.00, usa ka kolor orange disposable lighter ug usa ka ginamang aluminum foil trip.

Photo credit: Ed Mapayo
Sumala pa ni Police Senior Inspector Elmer Ligalig, ang duha ka suspitsado na sila RENATO GOPO GUILLENA alias “Natoy” MARY GRACE ACIDO alias “Grace” nagrenta kini og kwarto sa naasoyng 308, JVC Apartele Hauz diin didto ang transaksyon sa droga ug maoy target nila sa buy-bust operation atol sa maong operaton nasakpan ang tulo ka bisitang suspek na sila MALVIN CONSUEGRA BEGIL alias “Vin, IAN TULDO MATUGAS alias “Ian”, GILBERT DONOSO OMBINA alias “Bobot” anaa sa maong kwarto.

Ang maong operation gisaksihan nila Hon. Nicolas Bolonia, Barangay Kagawad sa Barangay Washington, Surigao City; Mr. Vladimir Ensomo, gikan sa DOJ/NPS ug Mr. Edito Mapayo membro sa Media. Human nadakpan ang mga suspek gidala dayon kini sa buhatan sa kapulisan sa maong syudad ug pasakahan sa kasong pagsupak sa balaod RA 9165 kasamtangan gibilanggo na ang mga suspek sulod Surigao City PNP Station.

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.