Magsuon dakpan sa buy-bust operation sa Surigao

Photo credit: Ed Mapayo

By Ed Mapayo

SURIGAO CITY (Sept. 5) - Sikop sa Caraga Region Intelligence Division (RID) ang mag-igsoon atol sa gipahigayong buy-bust operation niadtong September 4, alas 5:40 ang takna sa hapon sa Payawan 1, Springville Barangay Luna ning syudad.

Ang mga suspek nailhan sa pangalan Tanjie Mangacop Panda-ag, 36 anyos, minyo ug Rasol Mangacop Panda-ag, 24 anyos, minyo pulos lumad nga taga Lanao del Sur ug mulopyo sa Payawan 1, Springville Barangay Luna. 

Nasikop ang naasoyng mga suspek pinasikad sa buy-bust operation ubos sa pagpanguna ni Police Senior Inspector Arvin Hosmillo, gikan sa Regional Intelligence Division, PNP Caraga Region. Nakuha sa posisyon sa suspek na si Tanjie ang usa ka gamay’ng sachet, laing tulo ka dagkong plastic sachets ug upat ka medium plastic sachets pulos gisuspitsahang shabu, usa ka unit nga motorsiklo Yamaha Meo adunay plaka 3729 LN, duha ka lighter, usa ka roll aluminum foil, marked money nagkantidad sa P500, upat ka cellphone ug cash na nagkantidad P430 ug mga drug paraphernalia. 

Ang mga suspek naaktuhan pa sa kapulisan nga naggamit sa ginadiling druga sulod sa ilang panimalay. Human pagdakop sa mga suspek gidala dayon sa buhatan sa kapulisan sa dakbayan aron pasakahan sa kasong pagsupak sa balaod R.A. 9165.

Ang maong operasyon gisaksihan nila Hon. Rico Nagas, Barangay Kapitan sa Barangay Luna, Ed Mapayo, membro sa Media ug DOJ, kasamtangan karon gibilanggo ang mga suspek sulod sa PNP station sa Surigao City.

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.