90% sa ‘surrenderies’, balik-droga sigon ni Cong. Barbers

DAKBAYAN SA SURIGAO (Sept. 19) - Hugot karon ang pagtuo ni Cong. Robert Ace Barbers nga 10% kun dyes porsyento lamang sa mga drug surrenderies ang nagbag-o apan ang 90% kun nobenta porsyento niini ang mibalik ra gihapon sa ilang naandang gibuhat.
Sumala ni Barbers, kinsa chairman karon sa House Committee on Dangerous Drugs, mao kini ang rason nga dapat gyud hatagan sa kongreso ug prayoridad ang mga balaudnon aron sa pagtukod ug mga regional at provincial drug rehabilitation centers sa tibuok nasod para maisalba pa ang 90% sa mga drug personalities nga misurender.
Sugod niadtong Hulyo 1, 2016, kapin 700,000 na ang misurrender sa mga awtoridad apan tungod kay wala kini pasilidad igo ra lamang sa pagpanumpa sa identified drug personalities ang gihimo sa mga awtordidad. 
Sumala pa ni Barbers, 90% sa mga misurender sa Oplan TokHang maoy walay kapasidad sa pagpaubos sa drug rehabilitation tungod sa kamahal niini.
“While we can presume that some of them, say 10%, won’t get back to their old ways, what about the remaining 90%? Most likely, they would just take a short break until the heat on them is off and later return to their old habits – smoking, sniffing, ingesting or worse, again selling illegal drugs,” dugang pa ni Barbers.
Usa sa mga gihimo nga ehemplo ni Barbers mao ang mga drug personalities nga nangamatay sa mga police operations o di kaha sa mga vigilante groups tungod sa wala pa gihapon paghunong sa ilang naandang trabaho sa pagpapamligya ug paggamit sa iligal nga druga.

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.