Mga bag-ong gitukod nga PNP buildings sa isla sa Siargao, wa pa mahuman; PNP provincial direktor dismayado

Photo credit: Ed Mapayo
By Ed Mapayo

SIARGAO ISLAND, Surigao del Norte (Sept. 26) - Dismayado si Surigao del Norte Provincial director PSSupt. Anthony Maghari sa pagkadelatar sa pagtapos sa mga bag-ong PNP buildings sa mga munisipyo sa isla sa Siargao.
Si Maghari mibisita sa mga gitukod nga bag-ong police station sa lungsod sa Del Carmen, San Benito, Sta Monica, Burgos ug Pilar apan daku ang iyang pagkadismaya sa iyang nakita gumikan kay walay mga trabahante ang gatrabaho sa mga maong mga edipisyo ug nakita niya nga dili gayud matuman ang gisaad sa kontraktor sa tukmang adlaw nga mahuman kini basi sa ilang gisaad na mahuman sulod sa pila ka buwan. 
Sumala pa ni Maghari nga gikinahanglan hatagan og aksyon ang maong problema sa naasoyng mga proyekto. Dugang pa ni PSSupt. Maghari kinahanglan mahatagan kini og pagtagad aron matapos na gyud sa gikatakdang adlaw ug buwan aron magamit dayon sa kapulisan.
Si San Benito Mayor Rushford Dedumo nagkanayon nga dugay na niya kining gireklamo sa buhatan sa regional PNP gumikan sa hinay ang trabaho ug gilantaw niya nga dili matapus sa gisaad na adlaw ug bulan sa contractor. Ang JGS Contractor pinaagi ni Marlo Espineli ang gikatahong contractor sa maong mga proyekto.
Si Espineli personal nga nakahinabi sa kining tigbalita ug sa iyang kabahin siya nagkanayon nga kompleto na ang tanan materyales niini apan kulang lamang sila og graba na bato diin dili poydi magamit ang mga dinukdok na bato. Hulaton daw nila mahatod ang graba nga ilang gi-order aron mapadayon ug mahuman ang maong proyekto. Gisaad ni Espineli nga mahuman kini sa madaling panahon kung moabot na ang maong mga graba.

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.