3 ka suspek, sikop sa operasyon sa pulis sa Surigao City

SURIGAO CITY (Oct. 31) - Gi-andam na ang kasong ipasaka batuk sa tulo ka suspetsadong nasikop atol sa anti-illegal drugs operation alas 7:20 sa gabie niadtong Okt. 27 sa may Purok Orchids, Kaskag Village, Brgy. Washington, Surigao City.
Nadakpan sa hiniusang puwersa sa Surigao del Norte Provincial Police Office ug Surigao del Norte Provincial Police Safety Company ang mga suspek base na sa sumbong sa nagpakabanang indibidwal.
Naila ang mga nadakpan nga sila VENERANDO DUINA ALIPAO, 26-anyos, dunay kapuyo, usa kalaborer nga taga Purok 3, Barangay Azucena, JAYSON TINAMBANGKAN BABUANGA, 30-anyos, dunay kapuyo, walay trabaho nga taga Purok 6, Barangay Himamaug, ug ALDRIN BAGAYAS PETALLO, 22-anyos, olitawo nga taga Purok 6, Barangay Himamaug, parehong sakop sa Taganaan, Surigao del Norte.
Nakumpiska sa mga niini ang tulo ka sachet sa gidudahang shabu ug mga anti illegal drug paraphernalia.
Sa kasamtangan, gikatakdang dalhon sa PNP Crime laboratory 13 ang nakuhang mga butang alang sa screening ug laboratory testing samtang ang mga nadakpan, gikustudiya na sa Surigao del Norte Provincial Police Office alang sa tukmang disposasyon. 

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.