Buy-bust operation sa kapulisan sa syudad sa Surigao malampuson; 2-ka suspek sikop

By Ed Mapayo

DAKBAYAN SA SURIGAO, Surigao del Norte (Okt. 7) - Nagtingkagol sulod sa bilanggoan ang duha ka suspek sa pagpamaligya og druga human nadakpan niadtong Oktobre 1,2016 alas 10:30 ang takna sa gabie sa Paradise St., Brgy. Taft, syudad sa Surigao.

Ang mga suspek nailhan sa pangalan HAROLD DALAPO CASTAÑOS alias “Ayud”, 42 anyos, minyo, walay trabaho ug molupyo sa Purok Champaga, Brgy. Taft, ug kauban niini nga si SABINO BOQUIL ESCALA alias “Benjun”, 28 anyos, ulitawo, scrap collector nagpuyo sa Purok 9, Brgy. Canlanipa, pulos sakop sa syudad sa Surigao. Ang suspek na si HAROLD DALAPO CASTAÑOS alias “Ayud” ika 141 kini sa listahan nga suspek sa pagpamaligya og druga ug wala magsurender sa Oplan “Tokhang.”

Nasikop ang duha ka mga suspek ubos sa pagpanguna ni Police Senior Inspector ELMER D LIGALIG, Intel Officer sa syudad sa Surigao. Nakuha sa posisyon sa suspek na si HAROLD DALAPO CASTAÑOS, ang usa ka sachet ang gisuspitsahang shabu ang napalit sa pulis nga nagpailang customer diin natimbang og usa ka gramo nagkantidad P 1,180.00 @ (P11,800.00) per gram ug nabawi usab sa mga pulis ang 1,000 pesos adunay serial No.BE862924 na marked money, usa ka plastic cellophane adunay sulod na klasi klasing gamit sa druga kon (drug paraphernalia) ug 11 plastic sachets ang gisuspitsahang shabu nagtimbang og 3 ka gramo ug nagkantidad P35,400.00 usa ka selpon kolor puti Samsung brand, Cash na kwarta nagkantidad P1,050.00.

Sa posisyon sa laing suspek na si SABINO BOQUIL ESCALA, nakuha kaniya ang 1 ka selpon kolor itom Android.

Ang maong operation gisaksihan nila Hon. Joseph Joey Yuipco, Kagawad sa Brgy. Taft, Surigao City; Mr. Vladimir L. Ensomo gikan sa NPS/DOJ ug Hon. Lito Gibertas, myembro sa Media. Human sa maong operation gidala dayon ang mga suspek sa buhatan sa kapulisan sa maong syudad ug gibilanggo dungan sa pagpasaka sa kapulisan og kasong pagsupak sa balaod RA 9165.

Share: