PNP Surigao Norte Number 1 sa gipahigayon nga 2nd Quarter Unit Performance Rating sa tibuok Caraga

Dako ang kalipay ni Gov. Ace Barbers sa rseulta nga gipadangat kaniya gikan sa buhatan ni Police Senior Supt. Benhur Mongao sa Police Provincial Office, diin ang lalawigan sa Surigao del Norte maoy rank number 1 sa bag-o nga gipahigayon nga 2nd Quarter Unit Performance Rating sa tibuok rehiyon sa Caraga.

Sa maong report, nasayran nga ang nagsunod sa Surigao del Norte mao ang City Police Office sa Butuan, 3rd ang Agusan del Sur, 4th ang Agusan del Norte, 5th ang Surigao del Sur ug 6th mao ang Dinagat Islands.

Tataw kayo nga luyo sa mga natala nga mga nagkalain-laing mga kaso sa krimen sa tibuok lalawigan, ang Surigao del Norte nagpadayon gihapon nga maoy pinakamalinawon nga probinsya sa tibuok rehiyon, Kini nagsumikad sa nagpadayon nga kooperasyon, suporta sa mga lideres nga gipangunahan ni Gov. Ace Berbers, ug ang maayong relasyon sa pagtambayayungay tali na sa kapulisan ug ang mga katawhan nga nagpakabana sa kahapsay ug kalinaw sa atong probinsya.


Dako ang pasalamat ni Gov. Ace Barbers sa gipakita nga maayong “performance” sa atong kapulisan, ug giawhag niya ang tanang mga katawhan nga ania sa atong probinsya, ma Surigaonon man o dili, nga atong ipdayon ang tinuod nga diwa ug kultura sa usa ka Surigaonon nga gusto ra sa simple nga panginabuhi ug mahigugmaon sa kahapsay ug kalinaw.

Gipanghinaot usab ni Gob. Ace Barbers nga atong ipadayon ang atong panaghiusa ug tana magpabilin ang pagtinabangay labi na ang pagtabang sa atong mga pulis ug dili lamang isalig kanila ang pagmintinar sa kahapsay ug kalinaw.

Sa makausa pa, gipaabot ni Gov. Barbers ang iyang mainiton nga pagcongratulate sa police force sa probinsya labi na sa Police Provincial Director nga si PSSupt. Benhur Mongao. (PGO-Media Affairs Office)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.