Agig pagpatuman sa Ecological Waste Management sa Probinsya, Gob. Ace Barbers nanghatag ug financial assistance sa mga munisipyo

Tungod sa dakong tinguha sa pangagamhanan sa probinsya ubos na sa liderato ni Gob. Ace Barbers nga hugtanong mapatuman ang “proper solid waste management practices” sa tibuok probinsya, ang atong maabtik nga gobernador nanghatag ug tig Php 100,000.00 sa upat ka munisipyo aron sa pag tukod ug Material Recovery Facility sa ilang lugar.

Ang mga Munisipyo sa Burgos, Socorro, Bacuag ug Malimono nag pakadawat ug tig Php 100,000.00 isip financial assistance sa provincial government pinaagi na sa provincial Environment and Management Office nga gipangulohan ni Mr. Antonietto Charcos. Ang maong salapi gihatag usab isip ilang ganti sa ilang mga paningkamot nga sila modaog sa gipahigayon nga “Cleanest and Greenest Municipality” sa probinsya, dili pa lang dugay.

Ang maong financial assistance maoy ilang gamiton aron sa pagpatukod ug pag implementar sa Material Recovery Facility o MRF, ang ekwipong pagagamiton sa paghimo ug mga organic fertilizer gikan na sa basura, nga kung atong madumduman, si Gob. Ace Barbers unang mihatag sa maong facility sa Provincial Jail diin sa gibutyag, dako ug tabang sa tanan priso.

Sa laing bahin, ang departamento sa PEMO, usab mipahigayon ug Ecological Solid Waste Management Training /Orientation sa 10 ka munisipyo sa probinsya agig pag-awhag ug paghatag dugang kahibalo sa tanang mintambong sa mga saktong pamaagi sa paglabay sa ilang mga basura.

Dako ang kadasig ug kalipay ni Gov. Ace Barbers sa maong mga kalamboan diin iyang nalantaw nga pinaagi sa maong mga kalihukan ug programa ang tanang mga Surigaonon nagkahiusa ug tungod niini kita mamahimo na usab nga modelo sa ubang mga probinsya sa tibuok nasud sa natad sa pag implementer ug pag sustenir sa kalimpyo sa tibuok katilingban. (PGO-Media Bureau)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.