Gob. Barbers mipadala ug dali sa mga hinabang sa taga Brgy. Capalayan

Tungod sa kusog nga ulan dala sa bagyong “Bising”, 97 na ka mga lumulupyo sa Brgy. Capalayan ang girescue sa RESCUE 44 ug gi-evacuate didto sa pinkaduol nga elementary school uban ang pagpanghatag sa mga pagkaon nga daling gipadala ni Gov. Ace Barbers para sa mga biktima pinaagi sa DSWD sa probinsya.

Sa ngalan sa Gobernador Ace Barbers, si Provincial Administrator Adolfo Pantilo, Sr., mibutyag nga gipadali gayud dayun ni Gob. Ace Barbers ang pagparespondi sa mga taga Brgy. Capalayan diin ubay-ubay kanila ang nahiagum sa landslide.

Dako gayud ang pasalamat ni Brgy. Kapitana Herminia Crisologo ug mga katawhan sa Brgy. Capalayan sa gipakita ni Gov. Barbers nga dali nga tabang ngadto kanila ang tanan ug walay gipili ang makadawat sa maong mga hinabang.

Uban sa maong rescue operation mao usab ang hepe sa DSWD sa probinsya, Rosemarie Catelo, Al Lumapas, Team Leader sa Rescue 44, ug Jovito Litang sa PDCC Secretariat. (SdN PGO-Media Bureau)

1 Comments

Previous Post Next Post