Anti-Dengue Program Campaign ni Gob. Ace Barbers gipatuman; PHO mopahigayon sa bloodletting activity sa Kapitolyo

Sa ginadhanun karon nga mga biktima sa Dengue Hemorrhagic Fever, ug sa padayon nga kakulangan sa suplay sa dugo nga unta kanunayng naka pondo sa matag district health centers ug mga ospital, si Gob. Ace Barbers dayon mihimo ug aksyon kabatok na sa pagsulbad sa maong probleme pinaagi na sa nakahanayng mga kalihukan ubos sa pagdumala sa Provincial Health Office.

Tungod niini, unya sa alas 8 sa buntag hangtod sa alas 12 sa ting paniudto, gi-awhag sa maong departamento ang tanang kadagku-an sa nagkalain-laing opisina sa Kapitolyo ug mga empleyado niini nga sila mopahigayon sa ilang bloodletting activity didto sa Provincial Health office Conference Room nga nahimutang mismo sa Kapitolyo ning atong syudad.

Dako ang pang hinaut ni Gob. Ace Barbers nga ang maong kalihukan pagasuportahan sa mga nagkalain-laing empleyado sa Kapitolyo. Dugang pa niini, siya mibutyag nga unta ang maong bloodletting activity magmalampuson ug mabungahon ug pinaagi niini atong Makita ang tinuoray nga pagtinabangay diha sa pagpakgang sa maong makamaty nga sakit. (PGO-Media Bureau)

Share: