Gob. Matugas mihatag ug kagahuman sa 8 ka lungsod nga mangolekta sa bayranan sa Sand and Gravel Quarry Operation

Gipatawag bag-uhay palamang sulod sa Governor's Conference room ni Gobernor Sol Matugas ang otso (8) ka mga Mayoris na gilangkuban sa lungsod nan San Francisco, Claver, Mainit, Malimono, Gigaquit, Alegria, Sison, og Bacuag kauban sila Bise Gobernador Arturo Carlos Egay Jr, Provincial Legal Officer Atty. Primolito Plaza.

Sa initial nga tigum gisabutan ang legal nga pamaagi sa pag hatag og kagahuman sa local government unit sa lungsod pinaagi sa Mayor nga mao na ang modumala sa pag kolekta sa mga bayrunon sa mokuha og Sand and Gravel diha sa ilang tagsa-tagsa ka mga barangay o lungsod og ang lungsod usab ang mag monitor og magbantay sa quarry operation.

Matud pa ni Gobernor Matugas nga igo lamang ang probinsya mohatag og permit basta kini kumpleto na og mga clearances gikan sa munisipyo ilabina sa mga bayrunon nga tagkantar sa balaod.

Ang pag bahin-bahin sa collection mosulod sa barangay ang 40%, 30% sa lungsod og ang laing 30% mapaingon sa panudlanan sa probinsya.

Gituyo kini sa gobenador nga ihatag ang katungod sa munisipyo tungod kay dili na mabantayan sa mga sakop sa PEMO ang mohimo sa illegal nga pagpanguha sa Sand and Gravel og dunay mga illegal na operation nga gamiton ang ngalan sa gobernador og congressman aron makakwarta og hugot kini nga tagpanghimakak ni Gobernor Sol Matugas nga bisan kinsa walay iyang gitugotan nga modala sa iyang pangalan aron gamiton sa pagpangayo og kwarta.

Karong Disyembre 6, umulon ang pinal nga presentasyon og ang mga technical action ngadto sa otso ka lungsod uban ang MGB ug DENR aron mahimong legal ang paghatag og kagahuman sa mga munisipyo nga modumala sa Sand and Gravel Quarry Operation. (Jun Parada, Surigao Norte PGO-Media Affairs Office)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.