Pagpangandam sa kalamidad gituki sa gobernador

Atol sa Monday Morning Sharing sa kagamhanang probinsya nga gipahigayon sa Provincial Convention Center, namahayag si Gobernador Sol F. Matugas mahitngod na sa kalamidad na bag-ohay pa lamang nga nasinati sa atong lalawigan.

Gipaabot sa gobernador sa tanan nga mitambong sa kalihukan nga sa tanan natong nahiaguman nga kalamidad aduna gayud leksyon nga atong makat-unan.

Ang mga mosunod mao ang gustong ipahan-ay ni Gob. Matugas sa panahon nga adunay kalamidad: 1. Ang Siargao Island ang angayan na makabaton ug kaugalingon nga Disaster Risk Reduction and Management Council (DRRMC); 2. Ang tanang ekwipo sa Isla ug Mainland ang andamon ng daan panahon kung kini gamiton dayon; 3. Ang tanan mga Barangay Kapitan kinahanglan gayod na mailhan sa Department of Interior and Local Government (DILG), tumong niini para dili magsalig sa munisipyo ug probinsya ug gi kinahanglan nga ang tanan mga kapitanes aktibo gaud motubag panahon sa kalamidad isip sila maoy modelo sa ilang katilingban; 4. Government Communication nga abli sa tanan labina na gayud kon adunay dautan nga panahon ang modangat sa atong dapit. Ang cellphone usahay dili kasaligan sa komunikasyon tungod kay adunay mga lugar nga walay signal; 5. Pagtukod o paghan-ay sa pormal nga mga opisyales sa Provincial Disaster Risk Reduction and management Council (PDRRMC) nga maoy mamahimong focal office.

Dugang pa ni Gob. Matugas nga sa iyang pag dumala sa probinsya, “Ang Bag-ong Surigao” aksyon ang gikinahanglan. Ang tanan danyos sa mga miagi nga kalamidad ang iyang gipaningkamutan sa pagpangayo, diin una niini na prayoridad mao ang inprastraktura, mga kadalanan ug tulay. Ang Jubgan Bridge ang preparado na sa plano alang sa pagtukod ug bag-o ug lig-on nga tulay aron dili kini madaling maguba. (Surigao del Norte PGO-Prov’l Information Center)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.