Palarong Pampook Regional Consultation malampuson na gipahigayon

Nagmalampuson ang Regional Consultation alang na sa Palarong Pampook, bag-uhay pa lamang didto sa Governor’s Conference Room. Kini gitambongan sa mga kadagkuan sa nag kalain-laing departamento sa nasyunal ug lokal nga governo labi na sa departamento sa edukasyon, socio-civic organization ug mga non-government organization sa dakbayan.

Ang Palarong Pampook gitakdang ipahigayon karong umaabot nga Marso 13 hangtod na sa Marso 17, 2011. Ang Probinsya sa Surigao del Norte maoy mamahimo nga host sa maong kalihukan. Adunay 17 ka klase nga dula sa elementary ug 18 ka klase nga dula sa sekondarya lakip na ang dugang nga dula sama sa Arnis ug Basketball alang sa mga babaye.

Si Gobernador Sol F. Matugas isip chairperson sa maong kalihukan nag nagbutyag nga walay mamahimong kontribusyon sa mga ginikanan ug estudyante nga mosalmot niining kalihukan, matud pa sa Gobernador nga kon pila ra ang naa nga pondo mao ray paigo-on.

Dugang pa ni Gobernador Matugas, nga ang mao nga dula dili lamang kung kutob ra sa dula-dula apan para usab sa pag kab-ot sa “culture of excellence” isip maoy tumong sa tawhanong kalamboan ug ang maong kalihukan maoy higayon nga ikapasigarbo ang atong probinsya ngadto sa uban dapit.

Sa pag abli sa nahisgutan nga kalihukan ang mamahimong espesyal nga mamumulong mao si Sec. Armin Luistro ang Secretary sa Department of Education ug ang mga espesyal nga mga bisita mao ang mga kongresista, gobernador ug mga mayor sa Caraga Region. (Surigao del Norte PGO-Prov’l Information Center)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.