Gob. Sol migahin ug higayon sa mga kababayenhan sa Placer

Ang United Women’s Association sa Placer nagmalampuson sa pagsaulog sa Women’s Month kagahapon, Marso 30, 2011 sa Placer Dome, dinuyugan sa gatusan nga mga kababayenhan sa nagkalain-laing barangay sa Placer.

Kini gitambungan sa mga opisyales nga gipanguluhan ni Mayor Monching Napuli, mga kapitan sa barangay, Vice Gov. Arturo Egay, Jr., ug Gov. Sol Matugas, isip pinasidunggang bisita.

Atol sa maong okasyon, mihatag ug pahalipay ang atong gobernador ug duha ka libo ka pisos sa mga baranagay kapitan sa lungsod sa Placer ug iya usab gihatag ang proyekto nga Women’s Center nga mokabat ug P1-Milyon diin gidawat kini nga malipayon ni Mrs. Daisy Imelda Napuli, ang Federated President sa United Women’s Association.

Malipayon usab ang gobernador nga nagpahibalo nga sa lungsod sa Placer pagatukuron ang usa ka Provincial Hospital u gang Provincial Community College.

Gidayeg sa atong gobernador ang mga kababayenhan sa nagkalain-laing barangay nga misalmot ug mipasundayag sa ilang mga sayaw ug kini iyang gidasig nga ang mga kabayenhan may dako nga kaakuhan ug responsibilidad isip maoy naglig-on sa balay ug nag-amuma sa mga kabataan aron mamahimong maayong tawo.

Gipahayag usab sa atong gobernador ang pagbisita ni DSWD Sec. Dinky Soliman dinhi sa atong probinsya aron sa launching sa Core Shelter Program, ug daghan pang mga programa alang sa kaayuhan sa mga katawhan sa Surigao kay mao man kini ang iyang tumong ug tinguha, way lain tagdamgo ug taglantaw kundi serbisyuhan ang katawhan sa Surigao, aron makab-ot ang bag-ong Surigao. (Surigao Norte Prov’l Information Center)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.