Pagselebrar sa Women’s Month gihisgutan sa Kapitolyo

Nagmalampuson na usab ang gipahigayon nga Monday Morning Sharing sa Kapitolyo, pagkahuman sa Flag Raising Ceremony, niadtong miaging adlaw didto sa Provincial Convention Center, Capitol Compound.

Ang maong Monday Morning Sharing gipasiugdahan sa opisina sa Department of Interior and Local Government (DILG) nga gipanguluhan ni Director Domingo Bulabog ug kini gitambongam ni Gobernador Sol F. Matugas, uban sa mga Board members sa lalawigan, mga Department heads ug mga empleyado sa kapitolyo.

Ang namulong sa maong okasyon mao si Assistant Dir. Lilibeth Farmacion ang Assistant Director sa DILG. Iyang gipamulong ang temang “Women in Nation Building” nga haom sa pagsaulog sa Women’s Month sa bulan sa Marso.

Iyang gipasabot ang Magna Carta, ang mga balaod nga naghatag ug kusog ug pagwala sa diskriminasyon sa mga babaye labi na sa mga marginalized group ug ang paghatag ug patas nga katungod alang sa mga kababayen-an, dugang pa usab, iyang gipasabot ang 8 Millenium Development Goals (MDG’s) sama sa eradication of hunger and poverty, universal primary education, gender on health ug gender on development.

Atol usab sa maong okasyon, gibutyag ni Gobernador Sol Matugas nga adunay senemanang aktibidades nga pagahimoon matag Biyernes nga adlaw alang sa mga babaye nga empleyado sa kapitolyo sama sa ; panambal, special caravan for women, women on entrepreneurship, women as economic managers, women on spirituality ug women on environmental protection and disaster risk reduction. Dugang pa sa Gobernador nga kining mga butanga angay gayod mahibaw-an ug matagamtaman sa mga babayeng empleyado sa kapitolyo. (Surigao Norte Provincial Information Center)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.