Barangay kagawad sa Dapa nadakpan sa druga


Photo credit: Edito Mapayo
By Edito Mapayo

DAPA, Surigao del Norte - Wala makalikay ang barangay kagawad sa buy-bust operation sa kapulisan sa lungsod sa Dapa niadtong Lunes, Agusto 8 sa alas 9:42 ang takna sa gabie sa Arellano St., Barangay 2 Poblacion sakop sa maong lungsod.
Ang suspek nailhan sa pangalan nga si Rolito Madera Noguerra, alyas LOTLOT, 45 anyos, aktibong barangay kagawad ug referee sa basketball, minyo ug molupyo sa maong lugar. Nasikop ang maong suspek ubos sa pagpanguna ni Police Inspector Paul Michel Nefee. OIC Chief sa kapulisan sa lungsod sa Dapa. Gisikop ang naasoyng suspek pinasikad sa buy-bust operation.
Nakuha sa posisyon sa suspek ang 13 ka sachets ang gisuspitsahang shabu dili musubra ug kulang sa timbang 2.5 grams nagkantidad og 29,500 pesos, ug usa ka roll aluminum foil, usa ka glass totter, ginamang scoop, salapi nagkantidad 1,432 ug mga strip aluminum foil ug uban pa.
Photo credit: Edito Mapayo
Ang maong operisyon gisaksihan sa kining tigsulat, gikan sa media, Jay Uy, gikan sa DOJ ug Hon. Marcos Molit Solis, Barangay Kapitan sa naasoyng barangay. Human pagdakop sa mga pulis gidala dayon kini sa buhatan sa kapulisan sa maong lungsod aron pasakahan sa kasong pagsupak sa balaod sa R.A. 9165, Section, 5,11,12. Kasamatangan gibilanggo ang suspek sulod sa PNP station.
Nasayran nga ang maong suspek na kagawad bulontaryo kini sa pagsurender sa iyang kaugalingon sa kapulisan sa lungsod sa Dapa ug nagsaad nga magbag-o na gumikan sa hugot na gipatuman ni PNP General Ronald Bato Dela Rosa, pinaagi sa OPLAN TOKHANG. Apan padayon gihapon kini sa pagpamaligya og druga. Sumala pa usa ka pulis ang nagpailang customer nga mopalit sa suspek og druga gamit ang marked money nga balor 500.00 pesos human pagpalit gidakop dayon ang maong suspek.

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.