Sa Dapa: Gikan nagdisco gidunggab patay



Photo credit: Ed Mapayo
By Ed Mapayo

DAPA,Surigao del Norte - Gisulayan pa pagdala sa kapulisan ang usa ka biktima human gidunggab sa usa ka suspek gniadton Agusto 7,2016 alas 4:05 ang takna sa kabuntagon sa national highway, sakop sa Barangay Osmeña, lungsod sa Dapa, Surigao del Norte.
Sumala pa usa ka Michael Racho Morcia, 37 anyos, minyo, drayber nagpuyo sa Purok 2, General Luna, Surigao del Norte, ang midangop sa buhatan sa kapulisan sa lungsod sa Dapa ug gisumbong ang iyang nakitang patayng lawas nga anaa sa naasoyng lugar sakop sa Barangay Osmeńa. Human nadawat sa kapulisan ang maong sumbong dali nila giadto ang lugar ug paghidangat sa mga nagresponding pulis positibo ang maong sumbong. Dali nila gidala ang biktima sa balay tambalanan sa Siargao District Hospital sa lungsod sa Dapa aron matabangan apan gidiklara ni Dr. Chloe Digal Corpin, M.D na patay na ang biktima gumikan sa kadaghang samad niini.
Sa imbestigasyon sa kapulisan giila ang biktima sa pangalang Johny Tesiorna Sinday, 46 anyos, minyo molupyo sa Purok 1, Barangay Osmena, Dapa, Surigao Del Norte. Nailhan usab sa ang suspek sa pangalan Rogelio Formilles Mesias, 43 anyos,minyo ug molupyo sa Purok 1, sakop sa maong barangay.
Photo credit: Ed Mapayo
Basi sa testigo nga si Mr. Julie Baqueque Plazarras, 44 anyos nagpuyo sa Barangay 4, Poblacion, sakop sa naasoyng lungsod, nagkanayon alas 2:30 ang takna sa kabuntagon sa susamang petsa ang biktima ug suspek nag inom sa gipahigayong disco sulod sa basketball court sa naasoyng barangay samtang siya anaa usab sa disco apan laing lamesa ang iyang gilingkuran iyang nasayran nga naglalis ang suspek ug biktima hangtod nga migawas sa discohan ang biktima kay mopauli na sa ilang panimalay apan misunod ang suspek paghidangat sa national road gidunggab sa suspek ang biktima sa makadaghang higayon.
Nadakpan dayon sa kapulisan ang suspek sulod sa ilang panimalay sa maong lugar apan nagdumili kini sa pag-angkon sa naasoyng panghitabo gidala sa mga nagresponding pulis ang maong suspek alang sa dugang nga imbestigasyon wala madugay iyang giangkon ang mga panghitabo nga siya ang nakapatay sa biktima sa rason nga dugay na nilang away ug pagdumot sa usag usa. Ang suspek gipasakahan na og kasong murder.
Kasamtangan gibilanggo ang suspek sulod sa police station sa lungsod sa Dapa.

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.