Sa Claver: Babaye gipusil, gidunggab sa iyang kapuyo patay

By Ed Mapayo
CLAVER, Surigao del Norte - Patay dayon ang biktima human gipusil ug gidunggab sa suspek niadtong miaging semana, Hulyo 26 sa alas 11:40 ang takna sa buntag, ning kasamtangang tuig sa Purok 7, Brgy. Panatao, lungsod sa Claver.
Sumala pa, ang buhatan sa kapulisan sa lungsod sa Claver nakadawat og tawag gikan ni Barangay kapitan Godofredo Cagasan Jr., kapitan sa maong lugar diin iyang gisumbong ang maong panghitabo, human nadawat sakapulisan ang maong tawag dali nila giadto ang lugar sa pagpanguna ni SPO2 Enrique E Larase, ubos sa mando ni Police Senior Inspector Rommel Cacayan, ang hepe sa kapulisan sa maong lungsod. Sa paghidangat sa kapulisan sa naasoyng lugar ilang nakita ang usa ka babaye na wala nay kinabuhe ug naligo kini sa iyang kaugalingong dugo.
Sa imbestigasyon sa kapulisan ang biktima nailhan sa pangalan Darnet Serot, 28 dalaga,nagpuyo sa Adlay, Carrascal, Surigao del Sur apan nagbalhin na kini sa Purok 7, Brgy. Panatao, Claver ug ang suspek nailhan usab sa pangalan Clippert Villamor y Samontina, 25 anyos, walay trabaho, kapuyo sa biktima molupyo sa naasoyng lugar. Basi sa imbestigasyon sa mga pulis nga nagrespondi sumala pa ang suspek mura’g nadaot ang panghuna-huna ug nkalit lang gipusil sa biktima gamit ang kalibre 38 pistol. Ang biktima misulay pagdagan sa gawas sa ilang balay apan gitawag pagbalik sa maong suspek pasulod sa ilang kwarto ug sumala pa nag-away ang duha sulod sa ilang kwarto diin gidunggab kini sa suspek ang biktima sa makadaghang higayon tumong sa iyang kalawasan, misulay pag ikyas ang biktima apan giapas pa suspek sa gawas sa ilang balay ug gidunggab pag usab.
Ang suspek nasikop dayon sa kapulisan, gidala sa dayon sa buhatan sa police station alang sa dugang imbestigasyon aron masayran ang hinungdan sa ilang away.
Nakuha sa mga nagresponding pulis ang 13 inches ang katas-on na kutsilyo ang gituohang gigamit sa suspek pagpatay sa iyang kapuyo ug 38 pistol lakip ang upat ka buhing bala, duha ka basiyo sa bala sa kalibre 38 ug ang usa ka bala wala makagawas paglahus hinungdan nga naputol ang naasoyng armas. Ang suspek gibilanggo na kini ug giandam na sa kapulisan ang kaso batok sa maong suspitsado.

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.