Drug operation sa Gen. Luna nagmalampuson, suspek sikop

Photo credit: Ed Mapayo
By Ed Mapayo
GENERAL LUNA, Surigao del Norte - Natapos na ang adlaw sa pagpamaligya og druga sa usa ka suspek human nasikop sa kapulisan sa alas 12:30 ang takna sa kaadlawon, Agusto 14, 2016 sa Barangay 4, lungsod sa General Luna.

Ang suspek nailhan sa pangalan Junrel Gerarcas Escobia, 29 anyos, minyo, walay trabaho ug molupyo sa naasoyng lugar, nasikop ang suspek pinasikad sa buy-bust operation ubos sa pagpanguna ni Police Chief Inspector Faye Shalom Cornillo, ang hepe sa kapulisan sa lungsod sa General Luna. Sumala pa usa ka pulis ang nagpailang customer na mopalit og druga gamit ang marked money 500 human nakapalit sa suspek gidakop dayon kini.

Nakuha sa posisyon sa suspek ang 5 ka gagmayng sachets, 1 ka medium size sachet ang gisuspitsahang shabu, 1 ka lighter, 3 ka strip foil, 1 ka cellphone ug cash nga nagkantidad 4,620 pesos, nabawi sa posisyon sa suspek ang marked money.

Ang maong operation gisaksihan nila Ed Mapayo, gikan sa MEDIA, Jay Uy, gikan sa DOJ uban usab sila Hon Richard A. Quintas, Barangay Kagawad, Hon Amado N. Delgado, pulos barangay opisyal sa maong lugar.

Basi sa cellphone nga nakumpiska sa kapulisan gikan sa suspek usa ka alyas BAGI ang nag supply og druga kaniya, gi-angkon usab sa maong suspek nga didto siya nagakuha og druga.

Gi-andam na sa kapulisan ang kaso batok sa maong suspek pinaagi sa iyang pagsupak sa balaod R.A. 9165, kasamtangan gibilanggo ang suspek sulod sa PNP station.

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.