Provincial Cooperative Forum gipahigayon sa Surigao Norte

Photo credit: Kurt Airion Handayan Sumaylo
SURIGAO CITY - Nagmalampuson ang usa ka Provincial Cooperative Forum nga gipahigayon sa Provincial Go Negosyo Center, Capitol Compound Surigao City niadtong Martes, Agosto 9, 2016.

Gitambungan kini sa mga SB chair on cooperatives ug representante sa mga nagkalain laing munisipalidad ug ahensya government ug pribado ning probinsya. Mitambong usab si Governor Sol Matugas agig pag suporta ug pagpalapad sa iyang programa sa livelihood ug agrikultura nga sakop sa HEALS agenda. Ug matod pa usab sa atong gobernadora sa iyang mensahi nga dako ang iyang kalipay ug pasalamat sa pagtambong sa mga nagkadaiyang representante ug sa pag organisa sa maong forum nga gipanguluhan ni SB Chairman on Cooperative Committee/PCDC Chairman Hon. Melva P. Garcia nga gaawhag sa tanan nga mag organisa ug cooperativa sa matag munisipyo ngadto sa matag Baranggay, uban usab sila OIC Prov'l Coop. Dev't Officer Mr. Gromyko A. Geraldino, RCDC Chairman on Cooperative Mr. John E. Gamboa Sr., CDA Regional Director Mr. Genaro Pogata, PCDC Executive Director Mr. Pol Lugo, DTI Director Mr. Celistino Nigapatan ug Mr. Edwin Ausa.

Dugang pa sa atong gobernador sa iyang mensahe nga ang pagtinabangay sa matag usa sa kooperatiba muasenso ang usag usa.

Sa pagpadayon sa maong Forum, gituki ang agenda nga 1. Reiteration SP Resolution No. 183 series of 2013 and Provincial Ordinance No. 1 series of 2014. 2. Regional Cooperative Development Roadmap for 2016-2020. 3. Coop. Dev't Authority Updates. 4. Financial Institution that support Cooperatives Programs. ug 5. Puhunan/Panginabuhi sa Barangay.

Gihisgutan ug gipalapdan pa usab pinaagi sa open forum ang mga agenda ug solution para makab-ot ang tumong nga maka organisa ang matag munisipyo ug cooperativa bisan usa sa matag barangay aron usab ang mga nagkinahanglan natong mga kaigsuonan matagaan ug paglaum ug chansa nga maka negosyo ug moangat pinaagi sa kooperatiba. (PGO-PIC)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.