KACOSA ni Gov. Ace Barbers padayon nga nang apud-apud ug mga pagkaon sa pipila ka mga elementary schools sa probinsya

Walay puas nga nagtabang ug nagserbisyo sa mga katawhan si Governor Ace Barbers hilabi na ngadto sa paghatag ug dakong bili sa mga kabatan-onan pinaagi sa pagpahigayon sa ubay-ubay nga mga programa sama sa feeding program nga gipaisugdahan sa tanang miyembro sa Kapit Bisig Community Services Association o KACOSA.

Dili pa lang dugay, ang maong asosasyon malampusong mipahigayon sa maong feeding program sa pipila ka mga tulunghaan sa nagkalin-laing barangay sa matag munisipyo. Niadtong milabayng duha ka semana, sila nang apud-apud ug pagkaon ug mga story books sa halos 700 ka mga tinun-an didto sa Canlanipa Elementary School. Ug kagahapong adlawa usab sila mituyo ug adto sa Brgy. Sukailang aron usab sa pagpakaon sa may 386 ka mga bata sa Sukailang Elementary School ug aron sa pagpadayon pa sa maong programa, karon nga adlaw ang mga miyembro sa KACOSA mobisita sa Anomar Elementary nga sa nahibal-an adunay 220 ka mga malnourished children ang ilang pakan-on.

Gikalipay sa mga bata ang presensya sa maong asosasyon hilabi na sa kaayuhan nga ilang gidala ngadto kanila tungod ang pagkaon nga ilang giluto ug gipakaon ngadto sa mga malnourished children nakahatag man ug kabiskog ug sustansya.

Nakita ni Gov. Ace ang kadasig ug hugot nga pagtinambayayungay sa tanan miyembro sa KACOSA ug kini iyang gikahimuot ug maayo. Tungod sa kalampusan sa maong kalihukan, siya mipasalig sa tanan nga iya gayud hatagan ug dakong importansya ug suporta ang tanan nilang programa tungod iyang nakita nga ang kaayuhan sa tanan mao may ilang giprayoridad hilabi na ang paghatag ug tubag sa mga panginahanglanon sa mga kabatan-onan nga maoy atong giila nga mga “pag-asa ng bayan.” (PGO-Media Burea)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.