Prov’l Veterinary Office mopahigayon sa ilang Anti-Rabies Campaign agig pagselebrar sa Rabies Awareness Month

Agig pagselebrar sa Rabies Awareness Month, ang Provincial Veterinary Office hugtanong mopatuman sa Provincial Dog and Rabies Control Ordinance aron sa paghatag ub bili sa seguridad ug proteksiyon sa tibuok katawhan sa probinsya. Mopahigayon ug usa ka Anti-Rabies Campaign ang probinsya uban ang tema nga, “Be a responsible pet owner; Vaccinate your dogs against rabies,” diin bakunahan ang tanang iro aron mapanalipdan ang tanan sa rabies.

Gi-awhag sa maong buhatan nga ang tanang pet owners sa siyudad ug sa tanang mga lungsod sa probinsya nga sila magmabinantayon sa rabies ug tungod niini, sila obligado nga iparehistro ug ipabakuna ang ilang mga iro, aron kini dili makahatag ug dakong peligro sa atong mga kaigsuonang Surigaonon, hilabi na sa mga kabatan-onan nga maoy paboritong kadula ang mga iro.

Sa maong pagrehistro, adunay balayronon nga pagakulektahon ang PVO sa kantidad nga Php105.00 sa matag usa niini diin ang 70 pesos mao ang Registration Fee uban ang dog tag, 20 pesos para sa Certification Fee ug ang 15 pesos para sa documentary stamp.

Malaumon si Gov. Robert Ace Barbers nga ang tanang residente nga adunay mga gibuhing iro magmadasigon sa pagkooperar sa moang kalihukan, aron mahilikay ang matag usa kanato gikan sa peligro kun kita mapaakan labi na nga mahal kayo ang pagpatambal niini, ug labaw sa tanan, mamahimo gayud nga tinuod nga “man’s best friend” ang atong mga iro. (PGO-Media Bureau)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.