Pugante sa DAPECOL, dakpan sa Surigao City

Wala na nagsilbi pa ang kaigmat sa usa ka pugante gikan sa Bureau of Corrections sa Davao Prison and Penal Colony niadtong tuig 2001 human kini na-aresto sa Surigao City Police.

Naila ang nahisgutang pugante nga usa ka Napoloen Diago Alboto alyas Jimboy, 29-anyos, lumad nga taga-del Carmen, Surigao del Norte kinsa nasikop sa gipahigayong operasyon sa mga operatiba sa kapulisan didto sa Purok-7, Barangay Canlanipa, Surigao City.

Sa imbestigasyon og report nga nadawat sa Police Regional Office 13, nasuta nga ang nahisgutang suspek dunay alias warrant of arresr sa kasong qualified theft nga natala ubos sa criminal case no. 6908 nga gipagawas gikan sa sala ni Judge Evangeline Yuipco-Bayana sa RTC, Branch 31 nga nakabase sa Dapa, Surigao del Norte.

Ang korte nagrekomenda sa suspek ug piyansa balor P24,000 isip bugti sa iyang temporaryong kagawasan.

Sa kasamtangan, ang suspek pabiling gi-kostudiya sa Surigao City Police Station. (PNP-13/PIA-Caraga)

Surigao Today

All articles/photos on this website are for general information only. Surigaotoday.com does not own any responsibility for the correctness or authenticity of the information in the articles. We take no responsibility for loss, inconvenience or injury resulting from this information.